Advertisement
ವಿಜಯಪುರ ನಗರದಿಂದ ಸಾಂಗ್ಲಿ ರೋಡ್‌ನ‌ಲ್ಲಿ 20 ಕಿ.ಮೀ. ಸಾಗಿದ್ರೆ ತಿಕೋಟಾ ಪಟ್ಟಣ ಸಿಗುತ್ತೆ. ಇದು ಇತ್ತೀಚೆಗೆ ತಾಲೂಕು ಕೇಂದ್ರವಾಗಿದ್ದರೂ ವಾಣಿಜ್ಯ ವಹಿವಾಟಿನಲ್ಲಿ ಮುಂದಿದೆ. ಹೀಗಾಗಿ ಜಿಲ್ಲೆಯ ಹೊರಗಡೆಯಿಂದಲೂ ರೈತರು, ವ್ಯಾಪಾರಿಗಳು ಇಲ್ಲಿಗೆ ಬರುತ್ತಾರೆ. ಇದರಿಂದ ಇಲ್ಲಿನ ಹೋಟೆಲ್‌ಗ‌ಳಿಗೂ ಉತ್ತಮ ವ್ಯಾಪಾರವಾಗುತ್ತದೆ. ಅದರಲ್ಲಿ ಲಕ್ಷ್ಮೀ ಹೋಟೆಲ್‌ ಕೂಡ ಒಂದು.
Related Articles
ಇಡ್ಲಿ, ವಡೆ, ಪೂರಿ ಬಾಜಿ, ರೈಸ್‌ಬಾತ್‌, ಅವಲಕ್ಕಿ ಚೂಡಾ, ಚೌಚೌಬಾತ್‌, ಚುರುಮುರಿ ಹೀಗೆ.. ಏಳು ಎಂಟು ತಿಂಡಿಗಳನ್ನು ಮಾತ್ರ ಮಾಡಲಾಗುತ್ತದೆ. ರೈಸ್‌ಬಾತ್‌ಗೆ 30 ರೂ. ಬಿಟ್ಟರೆ ಉಳಿದ ತಿಂಡಿಗಳ ದರ 20, 25 ರೂ., ಚಹಾ ದರ 5 ರೂ. ಇದೆ.
Advertisement
ಹೋಟೆಲ್‌ ವಿಶೇಷ:ಕಡ್ಲೆ ಹಿಟ್ಟಿನ ಚಟ್ನಿ, ಬಟಾಣಿ ಕುರ್ಮಾ ಲಕ್ಷ್ಮೀ ಹೋಟೆಲ್‌ನ ಬ್ರಾಂಡ್‌ ಆಗಿದೆ. ಇದರಿಂದಲೇ ಈ ಹೋಟೆಲ್‌ ಹೆಸರಾಗಿದೆ. ಪೂರಿ, ಬಜ್ಜಿಯನ್ನು ಕಡ್ಲೆ ಹಿಟ್ಟಿನ ಚಟ್ನಿ ಮತ್ತು ಬಟಾಣಿ ಕುರ್ಮಾ ಜೊತೆಗೆ ತಿಂದರೆ ಅದರ ರುಚಿನೇ ಬೇರೆ. ಕಡ್ಲೆ ಹಿಟ್ಟಿನ ಚಟ್ನಿ ಮಾಡೋದು ಹೇಗೆ?:
ಹುಣಿಸೆಹಣ್ಣು, ಬೆಲ್ಲವನ್ನು ಇಡೀ ರಾತ್ರಿ ನೀರಿನಲ್ಲಿ ನೆನೆಸಿಡಲಾಗುತ್ತದೆ. ಮುಂಜಾನೆಗೆ ಹುಣಿಸೆ ಹಣ್ಣು ಹುಳಿ ಬಿಟ್ಟಿರುತ್ತದೆ. ಅದರಲ್ಲಿ ಕಡ್ಲೆ ಹಿಟ್ಟನ್ನು ಕಲಸಿ, ನಂತರ ಅದರಲ್ಲಿ ಹುರಿದ ಈರುಳ್ಳಿ ತುಂಡುಗಳು, ಸಾಸಿವೆ, ಜೀರಿಗೆ ಹಾಕಿ ಗ್ರಾಹಕರಿಗೆ ಕೊಡ್ತಾರೆ. ಇಡ್ಲಿ, ವಡೆಗೆ ಪ್ರತ್ಯೇಕವಾಗಿ ಸಾಂಬಾರು, ಚಟ್ನಿ ಕೊಡ್ತಾರೆ. ಹೋಟೆಲ್‌ ಸಮಯ:
ಮುಂಜಾನೆ 6 ರಿಂದ ರಾತ್ರಿ 9.30ರವರೆಗೆ ಮಾತ್ರ, ವಾರದ ರಜೆ ಇಲ್ಲ. ಹೋಟೆಲ್‌ ವಿಳಾಸ:
ಸಿದ್ದಪ್ಪ ಕಲ್ಲಪ್ಪ ಮಾಳಿ, ಲಕ್ಷ್ಮೀ ಹೋಟೆಲ್‌, ಲಕ್ಷ್ಮೀ ದೇವಾಲಯದ ಪಕ್ಕ, ತಿಕೋಟಾ, ವಿಜಯಪುರ – ಭೋಗೇಶ ಆರ್‌. ಮೇಲುಕುಂಟೆ