ಬಾಲಿವುಡ್ ಹಿರಿಯ ಸೌಂಡ್ ರೆಕಾರ್ಡಿಸ್ಟ್ ಡಿಒ ಬನ್ಸಾಲಿ ವಿಧಿವಶ, ಲತಾಮಂಗೇಶ್ಕರ್ ಸಂತಾಪ

ಮುಂಬೈ: ಬಾಲಿವುಡ್ ಸಿನಿಮಾರಂಗದ ಸೌಂಡ್ ರೆಕಾರ್ಡಿಸ್ಟ್ ಧೀರಜ್ ಲಾಲ್ ಒಚ್ಚಾವ್ ಲಾಲ್ ಬನ್ಸಾಲಿ(94ವರ್ಷ) ಅಲಿಯಾಸ್ ಡಿಒ ಬನ್ಸಾಲಿ ಅವರು ಸೋಮವಾರ ನಿಧನ ಹೊಂದಿದ್ದು, ಅವರ ನಿಧನಕ್ಕೆ ಖ್ಯಾತ ಗಾಯಕಿ ಲತಾ ಮಂಗೇಶ್ಕರ್ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.

ಬನ್ಸಾಲಿ ಅವರು ಬಾಲಿವುಡ್ ನ ಹಲವು ಹೆಸರಾಂತ ಗಾಯಕರ ಜತೆ ಕಾರ್ಯನಿರ್ವಹಿಸಿದ್ದರು. ಅವರೊಬ್ಬ ಉತ್ತಮ ವ್ಯಕ್ತಿತ್ವ ಹೊಂದಿದ್ದರು ಎಂದು ಲತಾ ಶ್ಲಾಘಿಸಿದ್ದಾರೆ.

ಸರಣಿ ಟ್ವೀಟ್ ಮಾಡಿರುವ ಲತಾ ಮಂಗೇಶ್ಕರ್ ಅವರು, ನಮ್ಮ ಇಂಡಸ್ಟ್ರಿಯ ಖ್ಯಾತ ಸೌಂಡ್ ರೆಕಾರ್ಡಿಸ್ಟ್ ಡಿಒ ಬನ್ಸಾಲಿ ಅವರು ನಿಧನ ಹೊಂದಿದ್ದು ತುಂಬಾ ದುಃಖದ ವಿಚಾರವಾಗಿದೆ. ಅವರು ನನ್ನ ಹಲವು ಹಾಡುಗಳನ್ನು ರೆಕಾರ್ಡ್ ಮಾಡಿದ್ದರು. ಅವರೊಬ್ಬ ಉತ್ತಮ ರೆಕಾರ್ಡಿಸ್ಟ್ ಆಗಿದ್ದರು ಎಂದು ತಿಳಿಸಿದ್ದರು.