ಲಂಕಾ ಸ್ಪಿನ್ನರ್‌ ಧನಂಜಯ ಬೌಲಿಂಗ್‌ ಶೈಲಿ ದೋಷಪೂರ್ಣ?

ಕೊಲಂಬೊ: ಶ್ರೀಲಂಕಾ ಕ್ರಿಕೆಟ್‌ ತಂಡದ ಆಫ್ಸ್ಪಿನ್ನರ್‌ ಅಖೀಲ ಧನಂಜಯ ಅನುಮಾನಾಸ್ಪದ ಬೌಲಿಂಗ್‌ ಶೈಲಿ ಹೊಂದಿದ್ದಾರೆಂದು ವರದಿಯಾಗಿದೆ. 

ಶ್ರೀಲಂಕಾ ಮತ್ತು ಇಂಗ್ಲೆಂಡ್‌ ನಡುವೆ ಮುಕ್ತಾಯವಾದ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಅವರ ಶೈಲಿಯಲ್ಲಿ ದೋಷ ಕಂಡುಬಂದಿದೆ ಎಂದು ಪಂದ್ಯದ ಅಧಿಕಾರಿಗಳು ಹೇಳಿದ್ದಾರೆ. ಈ ವರದಿ ಐಸಿಸಿಗೆ ಸಲ್ಲಿಸಲ್ಪಟ್ಟಿದೆ. ಒಂದು ವೇಳೆ ಐಸಿಸಿ ತನಿಖೆಯಲ್ಲಿ ಇದು ಸಾಬೀತಾದರೆ ಧನಂಜಯ ಶೈಲಿ ಸರಿಯಾಗುವವರೆಗೂ ಅವರು ಕ್ರಿಕೆಟ್‌ನಿಂದ ದೂರವಿರಬೇಕಾಗುತ್ತದೆ. ಆದರೆ ಶೈಲಿಯಲ್ಲಿ ದೋಷವಿದೆ ಎಂದು ಐಸಿಸಿ ಹೇಳುವವರೆಗೆ ಅವರು ಕ್ರಿಕೆಟ್‌ನಲ್ಲಿ ಮುಂದುವರಿಯಲು ಸಮಸ್ಯೆಯಿಲ್ಲ.