ದಾಯಾದಿಗಳ ನಡುವೆ ಭೂ ವಿವಾದ : ಹಾಸನದಲ್ಲಿ ಮೂವರ ಬರ್ಬರ ಹತ್ಯೆ

ಹಾಸನ : ಭೂ ವಿವಾದದ ಹಿನ್ನಲೆಯಲ್ಲಿ ದಾಯಾದಿಗಳ ನಡುವೆ ನಡೆದ ಘರ್ಷಣೆಯಲ್ಲಿ ಮೂವರು ಕೊಲೆಯಾಗಿರುವ ಘಟನೆ ಹೊಳೆನರಸೀಪುರ ತಾಲೂಕು ಮಾರಗೋಡನಹಳ್ಳಿಯಲ್ಲಿ ಸೋಮವಾರ ನಡೆದಿದೆ.  ಮಲ್ಲೇಶ (58), ರವಿಕುಮಾರ್ (35), ಮಂಜೇಶ(35) ಕೊಲೆಯಾದವರು.

ಕೊಲೆಯಾದವರ ಕುಟುಂಬ ಹಾಗೂ ಸ್ವಾಮಿಗೌಡ ಎಂಬವರ ಕುಟುಂಬದ ನಡುವೆ ಭೂ ವ್ಯಾಜ್ಯ ನ್ಯಾಯಾಲಯದಲ್ಲಿ ನಡೆದು ಮಲ್ಲೇಶ, ರವಿಕುಮಾರ್, ಮಂಜೇಶ್ ಅವರ ಪರ ತೀರ್ಪು ಇತ್ತಿಚೆಗೆ ಹೊರ ಬಿದ್ದಿತ್ತು.

ಸೋಮವಾರದಂದು ಮಧ್ಯಾಹ್ನ ಮಲ್ಲೇಶ್, ರವಿಕುಮಾರ್, ಮಂಜೇಶ್ ಜಮೀನಿನಲ್ಲಿ ಕೆಲಸ ಮಾಡುತ್ತಿದ್ದಾಗ ಸ್ವಾಮಿಗೌಡ ಕುಟುಂಬದವರು ಜಮೀನಿನ ಬಳಿ ಹೋಗಿ ಜಗಳ ತೆಗೆದು ಮಾರಕಾಸ್ತ್ರಗಳಿಂದ ಹೊಡೆದು ಕೊಲೆ‌ಮಾಡಿದ್ದಾರೆ.