Lamborghini: ಆಕರ್ಷಕ ವಿನ್ಯಾಸದ ಲ್ಯಾಂಬೋರ್ಗಿನಿ Urus S ಕಾರು ಬಿಡುಗಡೆ…ಆರಂಭಿಕ ಬೆಲೆ…

ನವದೆಹಲಿ: ಐಶಾರಾಮಿ ಸ್ಫೋರ್ಟ್ಸ್ ಹಾಗೂ ಎಸ್ ಯುವಿ ತಯಾರಿಕಾ ಇಟಾಲಿಯನ್ ಸಂಸ್ಥೆ ಲ್ಯಾಂಬೋರ್ಗಿನಿ Urus S ಕಾರನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದ್ದು, ಆರಂಭಿಕ ಬೆಲೆ 4.18 ಕೋಟಿ (Ex showroom) ರೂಪಾಯಿಯಾಗಿದೆ.

ಇಟಾಲಿಯನ್ ಕಾರು ತಯಾರಿಕಾ ಸಂಸ್ಥೆ ಅತ್ಯುತ್ತಮ ಮಾದರಿಯ ಕಾರುಗಳ ಮಾರಾಟ ಪರಂಪರೆಯನ್ನು ಮುಂದುವರಿಸಿದೆ. ಈ ಹಿಂದಿನ ಶ್ರೇಣಿಯ ಬದಲಾಗಿ ಲ್ಯಾಂಬೋರ್ಗಿನಿ Urus S ಮಾಡೆಲ್ ಕಾರನ್ನು ಬಿಡುಗಡೆ ಮಾಡಿದೆ.

Lamborghini Urus S ತನ್ನದೇ ಘನತೆ ಹೊಂದಿದ್ದು, ಲ್ಯಾಂಬೋರ್ಗಿನಿ ಪರ್ಫಾಮೆನ್ಸ್ ಗೆ ಹೋಲಿಸಿದಲ್ಲಿ ಕೆಲವೊಂದು ಮಹತ್ತರ ಬದಲಾವಣೆ ಮಾಡಲಾಗಿದೆ. ಲ್ಯಾಂಬೋರ್ಗಿನಿ Urus S ನೂತನ ಬಂಪರ್ ಹೊಂದಿದ್ದು, Cooling Vents ಜೊತೆ ಹೊಸ ಬಾನೆಟ್ ಹೊಂದಿದೆ.

ಲ್ಯಾಂಬೋರ್ಗಿನಿ Urus S ಎಸ್ ಯುವಿಯಲ್ಲಿ 4.0 ಲೀಟರ್ ಟ್ವಿನ್ ಟರ್ಬೋ V8 ಎಂಜಿನ್ ಅಳವಡಿಸಿದ್ದಾರೆ. ಈ ಎಂಜಿನ್ 657 ಬಿಎಚ್ ಪಿ ಪವರ್ ಮತ್ತು 850 ಎನ್ ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಲ್ಯಾಂಬೋರ್ಗಿನಿ Urus S ಕಾರು ಆಟೋಮೆಟಿಕ್ ಗಿಯರ್ ಬಾಕ್ಸ್ ಹೊಂದಿದ್ದು, 3.5 ಸೆಕೆಂಡ್ಸ್ ಗಳಲ್ಲಿ 100 ಕಿಲೋ ಮೀಟರ್ ವೇಗವನ್ನು ಪಡೆದುಕೊಳ್ಳುತ್ತದೆ. ಲ್ಯಾಂಬೋರ್ಗಿನಿ Urus S 85 ಲೀಟರ್ ಪ್ಯೂಯೆಲ್ ಟ್ಯಾಂಕ್ ಹೊಂದಿದ್ದು, ಲ್ಯಾಂಬೋರ್ಗಿನಿ Urus s ಮೈಲೇಜ್ ಒಂದು ಲೀಟರ್ ಪೆಟ್ರೋಲ್ ಗೆ 7.09 ಕಿಲೋ ಮೀಟರ್ ಕ್ರಮಿಸಬಹುದಾಗಿದೆ.