8,000 ಕೋಟಿ ಅವ್ಯವಹಾರ: ಇಂದು ಮೀಸಾ ಭಾರ್ತಿ ಇಡಿ ಮುಂದೆ ಹಾಜರ್‌

ಹೊಸದಿಲ್ಲಿ : ಎಂಟು ಸಾವಿರ ಕೋಟಿ ರೂ. ಅವ್ಯವಹಾರ ಪ್ರಕರಣದ ತನಿಖೆಗೆ ಸಂಬಂಧಿಸಿ ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್‌ ಯಾದವ್‌ ಅವರ ಪುತ್ರಿ ಮೀಸಾ ಭಾರ್ತಿ ಇಂದು ಮಂಗಳವಾರ ಜಾರಿ ನಿರ್ದೇಶನಾಲಯದ ಮುಂದೆ ಹಾಜರಾಗಲಿದ್ದಾರೆ. 

ಇಡಿ ಅಧಿಕಾರಿಗಳ ಮುಂದೆ ತನಿಖೆಗೆ ಹಾಜರಾಗುವಾಗ ಖಾಸಗಿ ಹಣಕಾಸು ಸೇರಿದಂತೆ ಕೆಲವು ಮುಖ್ಯ ದಾಖಲೆ ಪತ್ರಗಳನ್ನು ತರುವಂತೆಯೂ ಮೀಸಾ ಭಾರ್ತಿಗೆ ಆದೇಶಿಸಲಾಗಿದೆ. 

ಲಾಲು ಅವರ ಅಳಿಯ ಶೈಲೇಶ್‌ ಕುಮಾರ್‌ ಅವರು ನಿನ್ನೆ ಮಂಗಳವಾರ ಇಡಿ ಸಮನ್ಸ್‌ ತಪ್ಪಿಸಿಕೊಂಡಿದ್ದಾರೆ. 

ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು “ಜೈನ್‌ ಸಹೋದರರ ಪ್ರವೇಶ ವ್ಯವಹಾರ’ ಪ್ರಕ್ರಣದಲ್ಲಿ ನಡೆದಿದೆ ಎನ್ನಲಾದ ಎಂಟು ಸಾವಿರ ಕೋಟಿ ರೂ.ಗಳ ಅವ್ಯವಹಾರಕ್ಕೆ ಸಂಬಂಧಿಸಿದಂತೆ ಲಾಲು ಅಳಿಯ ಶೈಲೇಶ್‌ ಕುಮಾರ್‌ ಮತ್ತು ಪುತ್ರಿ ಮೀಸಾ ಭಾರ್ತಿ ಅವರ ಹೊಸದಿಲ್ಲಿಯಲ್ಲಿನ ಮೂರು ಆಸ್ತಿ ಆಸ್ತಿಗಳ ಮೇಲೆ ಇಡಿ ಅಧಿಕಾರಿಗಳು ದಾಳಿ ನಡೆಸಿರುವ ಹಿನ್ನೆಲೆಯಲ್ಲಿ ಇದೀಗ ತನಿಖೆ ಸಾಗಿದೆ.