Olympics Badminton ; ಇತಿಹಾಸ ಬರೆದು ಸೆಮಿ ಫೈನಲ್ ಗೆ ಲಗ್ಗೆ ಇಟ್ಟ ಲಕ್ಷ್ಯ ಸೇನ್

ಪ್ಯಾರಿಸ್ : ಇಲ್ಲಿ ಶುಕ್ರವಾರ (ಆಗಸ್ಟ್ 2 ) ನಡೆದ ಬ್ಯಾಡ್ಮಿಂಟನ್ ಪುರುಷರ ಸಿಂಗಲ್ಸ್ ಕ್ವಾರ್ಟರ್-ಫೈನಲ್‌ ಪಂದ್ಯದಲ್ಲಿ ಭಾರತದ ಭರವಸೆಯ ಲಕ್ಷ್ಯ ಸೇನ್ ಚೈನೀಸ್ ತೈಪೆಯ ಚೌ ಟಿಯೆನ್-ಚೆನ್ ವಿರುದ್ಧ ಗೆಲುವು ಸಾಧಿಸಿ ಸೆಮಿ ಫೈನಲ್ ಗೆ ಲಗ್ಗೆ ಇಟ್ಟಿ ದ್ದಾರೆ.

ಸೇನ್ ಅವರು ಪ್ಯಾರಿಸ್‌ನಿಂದ ಬ್ಯಾಡ್ಮಿಂಟನ್ ನಲ್ಲಿ ಪದಕಕ್ಕಾಗಿ ಭಾರತದ ಏಕೈಕ ಭರವಸೆಯಾಗಿ ಉಳಿದಿದ್ದಾರೆ. ಒಲಿಂಪಿಕ್ಸ್ ನಲ್ಲಿ ಸೆಮಿ ಫೈನಲ್ ಪ್ರವೇಶಿಸಿದ ಮೊದಲ ಭಾರತೀಯ ಪುರುಷ ಬ್ಯಾಡ್ಮಿಂಟನ್ ಆಟಗಾರ ಎನ್ನುವ ದಾಖಲೆ ಬರೆದಿದ್ದಾರೆ.

ಜಿದ್ದಾ ಜಿದ್ದಿನ ಹೋರಾಟದಲ್ಲಿ ಮೊದಲ ಗೇಮ್ ಅನ್ನು 19-21 ರಲ್ಲಿ ಕಳೆದುಕೊಂಡ ನಂತರ ಲಕ್ಷ್ಯ ಸೇನ್ ಎರಡನೇ ಗೇಮ್ ಅನ್ನು 21-15 ರಿಂದ ಗೆದ್ದರು. ಪ್ಯಾರಿಸ್‌ನಲ್ಲಿ ನಡೆದ ಥ್ರಿಲ್ಲರ್ ನಲ್ಲಿ ಮೂರನೇ ಸೆಟ್ ಅನ್ನು ಅಧಿಕಾರಯುತವಾಗಿ ಗೆದ್ದು ಸೆಮಿಫೈನಲ್ ಗೆ ಪ್ರವೇಶಿಸಿದರು.

 

ಪದಕದ ಕನಸು ಜೀವಂತವಾಗಿದ್ದು, 2012 ರಲ್ಲಿ ಲಂಡನ್ ನಲ್ಲಿ ಸೈನಾ ನೆಹ್ವಾಲ್, 2016 ರಿಯೊ ಮತ್ತು 2020 ಟೋಕಿಯೊ ದಲ್ಲಿ ಪಿವಿ ಸಿಂಧು ಅಡಕ ಗೆದ್ದಿದ್ದರು. ಈಗ ಪ್ಯಾರಿಸ್ ನಲ್ಲಿ ಲಕ್ಷ್ಯ ಸೇನ್ ಅವರು ಭಾರತಕ್ಕೆ ಸತತ ನಾಲ್ಕನೇ ಬ್ಯಾಡ್ಮಿಂಟನ್ ಪದಕವನ್ನು ತರುವ ನಿರೀಕ್ಷೆ ಭಾರತೀಯರದ್ದು.