ಲಕ್ಷ ಫಾಲೋವರ್ಸ್: ಪತ್ನಿಗೆ ಶುಭ ಕೋರಿದ ಕಿಚ್ಚ

ಸ್ಯಾಂಡಲ್‍ವುಡ್‍ನ ಆರಡಿ ಕಟೌಟ್ ಕಿಚ್ಚ ಸುದೀಪ್ ಟ್ವೀಟರ್​​ನಲ್ಲಿ ಸದಾ ಆ್ಯಕ್ಟಿವ್​​ ಇರುತ್ತಾರೆ. ತಮ್ಮ ಅಭಿಮಾನಿಗಳು ಮಾಡುವ ಟ್ವೀಟ್​​ಗೆ ರೀ-ಟ್ವೀಟ್ ಮಾಡಿ ಅವರನ್ನು ಸಂತೋಷಪಡಿಸುತ್ತಾರೆ. ಇದೀಗ ತಮ್ಮ ಪತ್ನಿ ಪ್ರಿಯಾ ಅವರಿಗೆ ಟ್ವೀಟ್ ಮಾಡುವ ಮೂಲಕ ಅಭಿನಂದಿಸಿದ್ದಾರೆ. ಹೌದು, 2016 ಮೇ ತಿಂಗಳಲ್ಲಿ ಟ್ವೀಟರ್​​ಗೆ ಎಂಟ್ರಿ ಕೊಟ್ಟಿರೋ ಪ್ರಿಯಾ ಸುದೀಪ್​​ಗೆ ಈಗ ಒಂದು ಲಕ್ಷ ಫಾಲೋವರ್ಸ್​ ಇದ್ದಾರೆ. 

ಹಾಗಾಗಿ ಇದೇ ಹಿನ್ನಲೆಯಲ್ಲಿ ಕಿಚ್ಚ ಸುದೀಪ್​​ ತನ್ನ ಪತ್ನಿಯ ಸಾಧನೆ ಮೆಚ್ಚಿ ತಮ್ಮ ಟ್ವೀಟರ್​​ನಲ್ಲಿ ಶುಭಾಷಯ ತಿಳಿಸಿದ್ದಾರೆ. ಸುದೀಪ್ ಅಭಿಮಾನಿಗಳು ಟ್ವೀಟರ್​​ನಲ್ಲಿ, “ನಮ್ಮ ಐಡಲ್ ಗೊಂಬೆ, ಕನ್ನಡ ಇಂಡಸ್ಟ್ರಿಯ ಬಾದ್‍ಷಾ ಅವರ ಪತ್ನಿ, ನಮ್ಮ ನೆಚ್ಚಿನ ಅತ್ತಿಗೆ ಪ್ರಿಯಾ ಅವರು ಟ್ವೀಟರ್​​ನಲ್ಲಿ 1 ಲಕ್ಷ ಫಾಲೋವರ್ಸ್ ಹೊಂದಿದ್ದಾರೆ’ ಎನ್ನುವ ಸಾಲನ್ನು ಬರೆದು ಪ್ರಿಯಾ ಸುದೀಪ್ ಮತ್ತು ಅವರ ಫಾಲೋವರ್ಸ್ ಸಂಖ್ಯೆಯನ್ನು ತೋರಿಸುವ ಸ್ಕ್ರೀನ್ ಶಾಟ್ ಅನ್ನು ಕೊಲಾಜ್ ಮಾಡಿ ಅಭಿನಂದನೆ ತಿಳಿಸಿದ್ದರು.

ಅಭಿಮಾನಿಗಳು ಮಾಡಿದ್ದ ಈ ಟ್ವೀಟ್‍ನ್ನು ಸುದೀಪ್ ರೀಟ್ವೀಟ್ ಮಾಡಿ, Awesome ಎಂದು ಬರೆದು, ನಗುವ ಮತ್ತು ಜ್ಯೂಸ್ ಗ್ಲಾಸ್ ಇರುವ ಎಮೋಜಿ ಹಾಕಿ ಚಿಯರ್ಸ್ ಮಾಡಿದ್ದಾರೆ. ಅಲ್ಲದೇ ಕಿಚ್ಚ ಈ ಟ್ವೀಟ್‍ಗೆ ಅಭಿನಂದನೆ ತಿಳಿಸಿದ ತಕ್ಷಣ ಅಭಿಮಾನಿಗಳು ರೀಟ್ವೀಟ್ ಮಾಡುವ ಮೂಲಕ ಶುಭಾಶಯವನ್ನು ತಿಳಿಸಿದ್ದಾರೆ. ಸುದೀಪ್ ಮಾಡಿರುವ ಟ್ವೀಟ್ 2 ಸಾವಿರಕ್ಕಿಂತಲೂ ಅಧಿಕ ಲೈಕ್ಸ್ ಕಂಡಿದೆ. ಇನ್ನು ಸುದೀಪ್ “ಪೈಲ್ವಾನ್’ ಮತ್ತು “ಕೋಟಿಗೊಬ್ಬ 3′ ಚಿತ್ರದ ಶೂಟಿಂಗ್‍ನಲ್ಲಿ ತೊಡಗಿಕೊಂಡಿದ್ದಾರೆ.