ಲಕ್ಷ ಕೋ.ರೂ. ದಾಟಿದ ಜಿಎಸ್‌ಟಿ ಸಂಗ್ರಹ

ಹೊಸದಿಲ್ಲಿ: ಸತತ 3 ತಿಂಗಳು ಗಳಿಂದ ಇಳಿಮುಖವಾಗಿದ್ದ ಜಿಎಸ್‌ಟಿ ಸಂಗ್ರಹ ನವೆಂಬರ್‌ನಲ್ಲಿ ಏರಿಕೆ ದಾಖಲಿಸಿದೆ. ಸರಕಾರದ ಆರ್ಥಿಕ ಉತ್ತೇಜನ ಕ್ರಮಗಳ ಪರಿಣಾಮ ನವೆಂಬರ್‌ ಜಿಎಸ್‌ಟಿ ಸಂಗ್ರಹ 1 ಲಕ್ಷ ಕೋ.ರೂ. ದಾಟುವಲ್ಲಿ ಯಶಸ್ವಿಯಾಗಿದೆ. ಇದು ಶೇ.6ರಷ್ಟು ಹೆಚ್ಚಳವಾಗಿದ್ದು, ಒಟ್ಟು 1,03,492 ಕೋ.ರೂ. ಸಂಗ್ರಹವಾಗಿದೆ.

ಜಿಎಸ್‌ಟಿ ಜಾರಿಗೆ ಬಂದ ಬಳಿಕ ಇಷ್ಟೊಂದು ಬೃಹತ್‌ ಮೊತ್ತ ಸಂಗ್ರಹ ಇದು ಮೂರನೇ ಬಾರಿ. ಈ ಹಿಂದೆ 2019ರ ಎಪ್ರಿಲ್‌ ಮತ್ತು ಮಾರ್ಚ್‌ ಗಳಲ್ಲಿ ದಾಖಲೆಯ ಜಿಎಸ್‌ಟಿ ಸಂಗ್ರಹವಾಗಿತ್ತು ಎಂದು ಕೇಂದ್ರ ಹಣಕಾಸು ಸಚಿವಾಲಯ ಹೇಳಿದೆ. ಅಕ್ಟೋಬರ್‌ನಲ್ಲಿ ಜಿಎಸ್‌ಟಿ ಆದಾಯವು 95,380 ಕೋಟಿ ರೂ. ಆಗಿದ್ದರೆ, ಸೆಪ್ಟಂಬರ್‌ನಲ್ಲಿ 91,916 ಕೋಟಿ ರೂ. ಆಗಿತ್ತು.