Advertisement
ಕಳೆದ ಆಗಸ್ಟ್‌ ತಿಂಗಳಲ್ಲಿ ಕಂಡು ಕೇಳರಿಯದ ಭೀಕರ ಪ್ರವಾಹ ಬಂದು ನದಿ ಭಾಗದ ಜನರಿಗೆತೀವ್ರ ಸಾಕಷ್ಟು ತೊಂದರೆ ಉಂಟು ಮಾಡಿತ್ತು.ಬಹುಗ್ರಾಮ ಕುಡಿಯುವ ನೀರಿನ ಯೋಜನೆಮೇಲೆ ಅವಲಂಬಿತವಾದ ಹತ್ತಾರು ಹಳ್ಳಿಗಳ ಜನರು ಸಮಸ್ಯೆ ಎದುರಿಸುವಂತಾಗಿದೆ. ಯೋಜನೆ ಸ್ಥಗಿತಗೊಂಡಿದ್ದರಿಂದ ಮಡ್ಡಿ ಭಾಗದ ಜನರಿಗೂ ಪ್ರವಾಹ ಬೀಸಿ ತಟ್ಟಿದೆ. ಕಳೆದ ಎರಡು ತಿಂಗಳಿಂದಸುಮಾರು 10ಕ್ಕೂ ಹೆಚ್ಚಿನ ಹಳ್ಳಿಯ ಜನರು ಸಮರ್ಪಕ ಕುಡಿಯುವ ನೀರು ಇಲ್ಲದೆ ಮೈಲು ಗಟ್ಟಲ್ಲೇ ನೀರುತಂದು ಕುಡಿಯವ ಪ್ರಸಂಗ ಎದುರಾಗಿದೆ.
Related Articles
Advertisement
ಕಳೆದ 2013-14ರಲ್ಲಿ ನಾಗರಮುನ್ನೋಳ್ಳಿ ಬಹುಗ್ರಾಮ ಕುಡಿಯುವ ನೀರಿನ ಯೋಜನೆಗೆ ಅಡಿಗಲ್ಲು ಹಾಕಿ ಸುಮಾರು 14.19 ಕೋಟಿರೂ ವೆಚ್ಚದಲ್ಲಿ ಕಾಮಗಾರಿ ಆರಂಭಿಸಿ ಹುಕ್ಕೇರಿ ತಾಲೂಕಿನ ಹಿರಣ್ಯಕೇಶಿ ನದಿಯ ಕೊಟಬಾಗಿ ಹತ್ತಿರ ನೀರು ತಂದು ಚಿಕ್ಕೋಡಿ ತಾಲೂಕಿನ ಜನರಿಗೆ ನೀರು ಒದಗಿಸುವ ಯೋಜನೆ ಇದ್ದು, ಆದರೆ ಕಳೆದ ಎರಡುತಿಂಗಳಿಂದ ಯೋಜನೆ ಸ್ಥಗಿತಗೊಂಡು ಮಡ್ಡಿ ಭಾಗದ ಜನರಿಗೆ ಭಾರಿ ಸಮಸ್ಯೆಯುಂಟು ಮಾಡಿದೆ.
ಕಳಪೆ ಕಾಮಗಾರಿ: ಬರಗಾಲ ಪೀಡಿತ ಗ್ರಾಮಗಳಿಗೆ ಶಾಶ್ವತ ಕುಡಿಯುವ ನೀರಿನ ಯೋಜನೆ ರೂಪಿಸುವ ನಿಟ್ಟಿನಲ್ಲಿ ರಾಯಬಾಗ ಶಾಸಕದುರ್ಯೋಧನ ಐಹೋಳೆ ಸತತ ಪ್ರಯತ್ನದಿಂದಮಡ್ಡಿ ಭಾಗದ ಜನರಿಗೆ ಬಹುಗ್ರಾಮ ಕುಡಿಯುವನೀರಿನ ಯೋಜನೆ ಮಂಜೂರು ಮಾಡಿಸಿದ್ದಾರೆ. ಆದರೆ ಯೋಜನೆ ಕಾಮಗಾರಿ ಕಳಪೆ ಮಟ್ಟದಿಂದಕೂಡಿದೆ ಎಂಬುದು ಸ್ಥಳೀಯರ ಆರೋಪ.ಯೋಜನೆ ಪ್ರಾರಂಭವಿದ್ದಾಗ ಕೆಲವೊಂದುಗ್ರಾಮಗಳಿಗೆ ಸಮರ್ಪಕ ನೀರು ಬರುತ್ತಿಲ್ಲ. ಒಂದು ಕಡೆ ನೀರು ಬಿಟ್ಟರೇ ಮತ್ತೂಂದು ಕಡೆ ಪೈಪ್‌ಲೈನ್‌ಒಡೆದು ಹೋಗುತ್ತವೆ. ಹೀಗಾಗಿ ಈ ಯೋಜನೆ ಕಳಪೆ ಮಟ್ಟದಿಂದ ಕೂಡಿದೆ ಎಂದು ಸಾರ್ವಜನಿಕರು ದೂರಿದ್ದಾರೆ.
-ಮಹಾದೇವ ಪೂಜೇರಿ