Uppinangady ಮಲಗಿದಲ್ಲೇ ಕಾರ್ಮಿಕ ಸಾವು

ಉಪ್ಪಿನಂಗಡಿ: ಹೆದ್ದಾರಿ ಕಾಮಗಾರಿಗೆಂದು ಬಿಹಾರದಿಂದ ಬಂದಿದ್ದ ಕಾರ್ಮಿಕನೋರ್ವ ವಿಪರೀತ ಮದ್ಯ ಸೇವಿಸಿ ಮಲಗಿದ್ದಲ್ಲೇ ಸಾವನ್ನಪ್ಪಿದ ಘಟನೆ ಶಿರಾಡಿ ಗ್ರಾಮದ ಉದನೆಯಲ್ಲಿ ಸಂಭವಿಸಿದೆ.

ಎಂ ಡಿ ಸಾವೇದ್‌ ನದಾಫ್ ಅವರ ಮೂಲಕ 3 ತಿಂಗಳ ಹಿಂದೆ ಬಿಹಾರದಿಂದ ಹೆದ್ದಾರಿ ಕಾಮಗಾರಿಯ ಕಾರ್ಮಿಕನಾಗಿ ಆಗಮಿಸಿದ್ದ ಶಿಬ ಕುಮಾರ್‌ ಸಾಹ (36) ಕೆಲಸಕ್ಕೆ ರಜೆ ಮಾಡಿ ಮದ್ಯ ಸೇವಿಸಿ ಶೆಡ್‌ನ‌ಲ್ಲಿ ಮಲಗಿದ್ದಾರು. ಆತ ಅಲ್ಲೇ ಸಾವನ್ನಪ್ಪಿರುವುದಾಗಿ ಸಾವೇದ್‌ ನದಾಫ್ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ.

ಉಪ್ಪಿನಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲುಗೊಂಡಿದೆ.