Kumta ಲಿಫ್ಟ್‌ನಲ್ಲಿ ಎದೆಯ ಭಾಗ ಸಿಲುಕಿ ಕಾರ್ಮಿಕ ಸಾವು

ಕುಮಟಾ: ಲಿಫ್ಟ್ ನಲ್ಲಿ ಎದೆಯ ಭಾಗ ಸಿಲುಕಿಕೊಂಡ ಪರಿಣಾಮ ನಗರದ ಜಗದಂಬಾ ಎಲೆಕ್ಟ್ರಿಕಲ್ಸ್‌ನಲ್ಲಿ ಹಲವು ವರ್ಷಗಳಿಂದ ಕೆಲಸ ಮಾಡುತ್ತಿರುವ ರಾಜಸ್ಥಾನ ಜೋಧಪುರ್‌ ಮೂಲದ ಗೋಪಾಲಸಿಂಗ್‌ ಇಂದೋ (24) ಮೃತಪಟ್ಟ ಘಟನೆ ಬುಧವಾರ ಸಂಭವಿಸಿದೆ.

ಅವರು ಗ್ರಾಹಕರಿಗೆ ಬೇಕಾದ ಸಾಮಗ್ರಿಗಳನ್ನು ತರಲು ಮೆಟ್ಟಿಲುಗಳ ಮೂಲಕ ಮಹಡಿಗೆ ತೆರಳಿದ್ದು, ಸಾಮಗ್ರಿಗಳನ್ನು ಲಿಫ್ಟ್‌ನಲ್ಲಿ ಹಾಕಿಕೊಂಡು ಕೆಳಗಡೆ ಬರುವಾಗ ಬಾಗಿಲಲ್ಲಿ ಎದೆಯ ಭಾಗ ಸಿಲುಕಿಕೊಂಡು ಸ್ಥಳದಲ್ಲೇ ಮೃತಪಟ್ಟರು. ಕುಮಟಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.