Kushtagi: ಬಸ್ ಹರಿದು ಮಹಿಳೆ ಮೃತ್ಯು

ಕುಷ್ಟಗಿ: ಬಸ್ಸಿನ ಮುಂದೆ ಬಾಗಿದ ಬೆನ್ನಿನ ಮಹಿಳೆ ನಡೆಯುತ್ತಿರುವುದು ಗಮನಿಸದೇ ಚಾಲಕ ಚಾಲನೆ ಮಾಡಿದ ಹಿನ್ನೆಲೆಯಲ್ಲಿ ಬಸ್ ಮಹಿಳೆಯೊಬ್ಬಳ ಮೇಲೆ ಹರಿದು ಸ್ಥಳದಲ್ಲಿ ಮೃತಪಟ್ಟ ಘಟನೆ ತಾಲೂಕಿನ ಹಿರೇಬನ್ನಿಗೋಳ ಗ್ರಾಮದಲ್ಲಿ ನಡೆದಿದೆ.

ಶಾರವ್ವ ದುಗಲದ್ (45) ಮೃತ ಮಹಿಳೆ ಎಂದು ಗುರುತಿಸಲಾಗಿದೆ. ಕುಷ್ಟಗಿಯಿಂದ ಬಸ್ಸು ಹಿರೇಬನ್ನಿಗೋಳ ಗ್ರಾಮಕ್ಕೆ ಬಂದಾಗ ಶಾರಮ್ಮ ಬಸ್ ನಿಂದ ಇಳಿದು ಬಸ್ ನ ಮುಂದುಗಡೆ ಹೋಗುತ್ತಿದ್ದರು. ಅದೇ ವೇಳೆ ನಾಲ್ವರು ಪ್ರಯಾಣಿಕರು ಬಸ್ ಹತ್ತುವ ಸಂಧರ್ಭದಲ್ಲಿ ಚಾಲಕನ ಲಕ್ಷ, ನಾಲ್ವರು ಪ್ರಯಾಣಿಕರತ್ತ ಹರಿಸಿದ್ದಾರೆ. ಬಸ್ಸಿನ ಮುಂದೆ ಇದ್ದ ಶಾರವ್ವಳಿಗೆ ಬಸ್ ತಾಗಿ ಮಹಿಳೆ ಸಾವೀಗೀಡಾಗಿದ್ದಾಳೆ. ಶಾರವ್ವಳ ಬೆನ್ನು ಬಾಗಿ ನಡೆದಿರುವುದು ಚಾಲಕನಿಗೆ ಗೊತ್ತಾಗದೇ ಚಾಲನೆ ಮಾಡಿರುವುದು ಈ ದುರಂತಕ್ಕೆ ಕಾರಣ. ಶಾರಮ್ಮಳ ಮೃತ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕುಷ್ಟಗಿ ಶವಗಾರಕ್ಕೆ ತರಲಾಗಿದ್ದು, ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.