ಕರ್ಜೆ: ಬಸ್‌ಸ್ಟಾಂಡ್‌ ದುರಸ್ತಿಗೆ ಮನವಿ

ಬ್ರಹ್ಮಾವರ: ಕರ್ಜೆ ಬಸ್‌ಸ್ಟಾಂಡ್‌ ಶಿಥಿಲಗೊಂಡಿದ್ದು ಅಪಾಯಕಾರಿ ಸ್ಥಿತಿಯಲ್ಲಿದೆ. ಹೆಂಚುಗಳು ಒಡೆದು ತಂಗುದಾಣದ ಒಳಗೆ ಕೊಡೆ ಹಿಡಿದು ನಿಲ್ಲಬೇಕಾದ ಶೋಚನೀಯ ಸ್ಥಿತಿ ತಲುಪಿದೆ.

ಗಾಳಿ ಮಳೆಗೆ ಮರದ ಗೆಲ್ಲುಗಳು ಮುರಿದು ಬೀಳುವ ಅಪಾಯವಿದೆ. ಪರಿಸರದ ಶಾಲಾ, ಕಾಲೇಜುಗಳ ವಿದ್ಯಾರ್ಥಿಗಳು ಇದೇ ತಂಗುದಾಣವನ್ನು ಅವಲಂಬಿಸಿದ್ದಾರೆ. ಸಮೀಪದ ಪಂಚಾಯತ್‌, ದೇವಸ್ಥಾನ ಮೊದಲಾದ ಸ್ಥಳಗಳಿಗೆ  ಆಗಮಿಸಿದವರೂ ಇದೇ ಬಸ್‌ಸ್ಟಾಂಡ್‌ ಬಳಸುತ್ತಿದ್ದಾರೆ. ಸ್ಥಳೀಯ ಆಡಳಿತ ತತ್‌ಕ್ಷಣ ಸ್ಪಂದಿಸಿ ದುರಸ್ತಿಗೊಳಿಸಬೇಕಾಗಿ ಗ್ರಾಮಸ್ಥರು ಮನವಿ ಮಾಡಿದ್ದಾರೆ.