ಕುಪ್ವಾರದಲ್ಲಿ ಮತ್ತೆ ಮುಂದುವರಿದ ಪಾಕ್ ಪುಂಡಾಟ

ಶ್ರೀನಗರ : ಭಾರತೀಯ ಸೇನೆ ಮತ್ತು ಉಗ್ರರ ನಡುವಿನ ಸಮರ ಮುಂದುವರಿದಿದ್ದು, ಭಾನುವಾರ ಬೆಳಗ್ಗೆ ಕುಪ್ವಾರದ ಹಿಂದ್ವಾರದಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಇಬ್ಬರು ಸಿಆರ್ ಪಿಎಫ್ ಯೋಧರು ಮತ್ತು ಇಬ್ಬರು ಜಮ್ಮು ಕಾಶ್ಮೀರ ಪೊಲೀಸರು ಹುತಾತ್ಮರಾಗಿದ್ದಾರೆ.

ಶುಕ್ರವಾರ ಆರಂಭವಾಗಿದ್ದ ಕೂಂಬಿಂಗ್ ಇನ್ನೂ ಮುಂದುವರಿದಿದೆ. ಕಳೆದ 54 ಗಂಟೆಯಿಂದ ಭಾರತೀಯ ಸೇನೆ ಉಗ್ರರ ವಿರುದ್ಧ ಕಾರ್ಯಾಚರಣೆ ನಡೆಸುತ್ತಿದೆ. 

ಎರಡು ಮನೆಯಲ್ಲಿ ಅಡಗಿಕೊಂಡಿದ್ದ ಉಗ್ರರನ್ನು ಸುತ್ತುವರಿದ ಸೇನೆ ಎರಡೂ ಮನೆಗಳನ್ನು ಧ್ವಂಸ ಮಾಡಿವೆ. ಇದರಲ್ಲಿ ಉಗ್ರರು ಸತ್ತಿದ್ದಾರೆಂದು ಸೇನೆ ತಿಳಿದು ಹತ್ತಿರ ಹೋದಾಗ ಉಗ್ರರು ಸೇನೆಯ ಮೇಲೆ ಏಕಾಏಕಿ ಗುಂಡಿನ ದಾಳಿ ಮಾಡಿದ್ದಾರೆ. ಇದರಿಂದ ಭಾರತೀಯ ಸೇನೆಯ ಇಬ್ಬರು ಯೋಧರು ಮತ್ತು ಇಬ್ಬರು ಪೊಲೀಸರು ಹುತಾತ್ಮರಾಗಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.