Advertisement
ಪ್ರತಿ ನಿತ್ಯ ಸಾವಿರಾರು ವಾಹನಗಳು ಸಂಚರಿಸುವ ಪ್ರಮುಖ ಜಂಕ್ಷನ್‌ ಆಗಿ ರುವ ತಲ್ಲೂರಿನಲ್ಲಿ ಬೀದಿದೀಪವಿಲ್ಲದೆ ರಾತ್ರಿ ವೇಳೆ ಸ್ಥಳೀಯ ವಾಹನ ಸವಾರರು, ಪಾದಚಾರಿಗಳು ರಸ್ತೆ ದಾಟುವ ವೇಳೆ ಭಾರೀ ಸಮಸ್ಯೆ ಅನು ಭವಿಸುವಂತಾಗಿದೆ. ಹೆದ್ದಾರಿ ದಾಟುವ ಜನರು ವೇಗವಾಗಿ ಬರುವ ವಾಹನ ಸವಾರರಿಗೆ ಕಾಣದ ಸ್ಥಿತಿ ಇಲ್ಲಿಯದು.
Related Articles
ಹೇರಿಕುದ್ರುವಿನಲ್ಲಿ ಅಂಡರ್‌ಪಾಸ್‌ ಕೆಳಗೆ ಬೆಳಕಿಲ್ಲ, ತಲ್ಲೂರಿನಲ್ಲಿ ಬೀದಿ ದೀಪ ಅಳವಡಿಕೆಗೆ ಬೇಡಿಕೆ, ಹೆಮ್ಮಾಡಿಯಲ್ಲಿ ಸರ್ವಿಸ್‌ ರಸ್ತೆ ಬೇಡಿಕೆ ಕುರಿತಾದ ಸಮಗ್ರ ವರದಿ “ಉದಯವಾಣಿ ಸುದಿನ’ವು ಫೆ.21 ರಂದು ಪ್ರಕಟಿಸಿತ್ತು. ಆದರೆ ಬೀದಿ ದೀಪದ ವ್ಯವಸ್ಥೆ ಬಗ್ಗೆ ಗಮನಹರಿಸಲಾಗುವುದು ಎಂದು ಆಗ ಭರವಸೆ ನೀಡಿದ್ದ ಎಸಿ ಹಾಗೂ ಐಆರ್‌ಬಿ ಸಂಸ್ಥೆಯವರು ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿಯೇ ಇಲ್ಲ ಎಂದು ತಲ್ಲೂರಿನ ಗ್ರಾಮಸ್ಥರು ಆರೋಪಿಸಿದ್ದಾರೆ.
Advertisement
ಬೀದಿದೀಪ ಅಳವಡಿಸಿಲ್ಲಕುಂದಾಪುರದಿಂದ ಶಿರೂರುವರೆಗಿನ 43 ಕಿ.ಮೀ. ವರೆಗಿನ ಕಾಮಗಾರಿ ಬಹುತೇಕ ಪೂರ್ಣಗೊಂಡಿದೆ ಎಂದು ಹೇಳಿ ಐಆರ್‌ಬಿ ಸಂಸ್ಥೆಯು ಶಿರೂರಿನಲ್ಲಿ ಟೋಲ್‌ ಸಂಗ್ರಹವನ್ನು ಆರಂಭಿಸಿದೆ. ಆದರೆ ಇನ್ನೂ ಕೂಡ ತಲ್ಲೂರಿನಲ್ಲಿ ಬೀದಿ ದೀಪ ಅಳವಡಿಸಿಲ್ಲ. ಹೆಮ್ಮಾಡಿಯಲ್ಲಿ ಸರ್ವಿಸ್‌ ರಸ್ತೆ ಬೇಡಿಕೆ ಈಡೇರಿಲ್ಲ. ಇನ್ನು ಯಾವಾಗ ಮಾಡುವುದು ಎನ್ನುವುದು ಸಾರ್ವಜನಿಕರ ಪ್ರಶ್ನೆಯಾಗಿದೆ.