Kundapura: ಶಾಸ್ತ್ರಿ ಸರ್ಕಲ್‌ ಬಳಿ ವ್ಯಕ್ತಿಯ ಶವ ಪತ್ತೆ

ಕುಂದಾಪುರ: ಇಲ್ಲಿನ ಶಾಸ್ತ್ರಿ ಸರ್ಕಲ್‌ ಬಳಿಯ ತಾಲೂಕು ಪಂಚಾಯತ್‌ ಎದುರು ಹಾಸನದ ರಾಜು (42) ಅವರು ಮಲಗಿದಲ್ಲೇ ಮೃತಪಟ್ಟಿದ್ದಾರೆ.

ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ಚೀಟಿ ಆಧಾರದಲ್ಲಿ ಹೆಸರು ಗೊತ್ತಾಗಿದೆ. ವಿಳಾಸ ದೊರೆಯಲಿಲ್ಲ. ಮೃತದೇಹವನ್ನು ಕುಂದಾಪುರದ ಆಸ್ಪತ್ರೆಯ ಶವಾಗಾರದಲ್ಲಿ ಇರಿಸಲಾಗಿದೆ.

ಸಂಬಂಧಪಟ್ಟವರು, ಮನೆಯವರು ಯಾರಾದರೂ ಇದ್ದರೆ ಕುಂದಾಪುರ ಸಾರ್ವಜನಿಕ ಆಸ್ಪತ್ರೆ ಅಥವಾ ಪೊಲೀಸ್‌ ಠಾಣೆಯನ್ನು ಸಂಪರ್ಕಿಸಲು ಕೋರಲಾಗಿದೆ.