ಕುಂದಾಪುರ: ಬೈಕ್‌ ಸ್ಕಿಡ್‌ : ಸವಾರರಿಬ್ಬರಿಗೆ ಗಾಯ

ಕುಂದಾಪುರ: ಕುಂಭಾಶಿ ಗ್ರಾಮದ ರಾಷ್ಟ್ರೀಯ ಹೆದ್ದಾರಿಯ ಹೆದ್ದಾರಿ 66 ರಲ್ಲಿ ನಾಯಿಗೆ ಢಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಯತ್ನಿಸಿ, ಬೈಕ್‌ ಸ್ಕಿಡ್‌ ಆಗಿ ಬಿದ್ದ ಪರಿಣಾಮ ಬೈಕ್‌ ಸವಾರ ಮಹಾಬಲೇಶ್ವರ್‌ ಆಚಾರ್‌ ಹಾಗೂ ಸಹ ಸವಾರ ವಾಸುದೇವ ಆಚಾರ್‌ ಗಾಯಗೊಂಡ ಘಟನೆ ಜು.18ರ ರಾತ್ರಿ 11.30 ಕ್ಕೆ ಸಂಭವಿಸಿದೆ.

ಗಾಯಗೊಂಡ ಮಹಾಬಲೇಶ್ವರ್‌ ಹಾಗೂ ವಾಸುದೇವ ಅವರನ್ನು ಕೋಟೇಶ್ವರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದು, ಈ ಪೈಕಿ ತೀವ್ರತರದ ಗಾಯಗೊಂಡ ವಾಸುದೇವ ಅವರನ್ನು ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಕುಂದಾಪುರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.