Kumbh Mela: ನೇಪಾಲ, ಉತ್ತರಾಖಂಡದಿಂದ ಪೂಜಾ ಸಾಮಗ್ರಿ ಖರೀದಿ

ಮಹಾಕುಂಭ ನಗರ: ಇದೇ ಜ.13ರಂದು ಪ್ರಯಾಗ್‌ರಾಜ್‌ನಲ್ಲಿ ಪ್ರಾರಂಭವಾಗುತ್ತಿರುವ ಮಹಾಕುಂಭ ಮೇಳಕ್ಕೆ ವ್ಯಾಪಾರಿಗಳು ಭರದಿಂದ ಸಿದ್ಧತೆ ಪ್ರಾರಂಭಿಸಿದ್ದು, ನೇಪಾಲ, ಉತ್ತರಾಖಂಡ, ವಾರಾಣಸಿ, ಮಥುರಾ ಸೇರಿದಂತೆ ವಿವಿಧ ಪ್ರದೇಶಗಳಿಂದ ಪೂಜಾ ಸಾಮಗ್ರಿಗಳನ್ನು ತರಿಸಲು ಪ್ರಾರಂಭಿಸಿದ್ದಾರೆ.

ಪಂಚಾಂಗ, ರುದ್ರಾಕ್ಷಿ, ತುಳಸಿ ಮಾಲೆ ಸೇರಿ ವಿವಿಧ ಪೂಜಾ ಸಾಮಗ್ರಿಗಳನ್ನು ತರಿಸಿ ಸಂಗ್ರಹಿಸಲಾರಂಭಿಸಿದ್ದಾರೆ ಎಂದು ಉ.ಪ್ರದೇಶ ಸರಕಾರ ತಿಳಿಸಿದೆ.

ಇದೇ ವೇಳೆ, ಮಹಾಕುಂಭಮೇಳಕ್ಕೆ ದಿನದ 24 ಗಂಟೆಯೂ ನಿರಂತರ ವಿದ್ಯುತ್‌ ಕಲ್ಪಿಸುವ ಉದ್ದೇಶದಿಂದ 400 ಕೋಟಿ ರೂ. ವೆಚ್ಚದಲ್ಲಿ ಈಗಾಗಲೇ 182 ಕಿ.ಮೀ. ಹೈಟೆನ್ಶನ್‌ ವೈರ್‌ ಹಾಗೂ 1,405 ಕಿ.ಮೀ. ಉದ್ದದ ಲೋ ಟೆನ್ಶನ್‌ ವೈರ್‌ಗಳನ್ನು ಅಳವಡಿಸಲಾಗಿದೆ ಎಂದೂ ಸರಕಾರ ತಿಳಿಸಿದೆ.