ಕುಂಬಳೆ; ಕೆರೆಯಲ್ಲಿ ಮುಳುಗಿ ಸಹೋದರರ ಸಾವು

ಕುಂಬಳೆ: ಮೊಗ್ರಾಲ್‌ನ ಮಸೀದಿಯ ಕೆರೆಯಲ್ಲಿ ಸ್ನಾನ ಮಾಡಲು ಇಳಿದ ಸಹೋದರರಿಬ್ಬರು ಸಾವಿಗೀಡಾದ ಘಟನೆ ನಡೆದಿದೆ.

ಹೊಸಂಗಡಿ ಮಜಿಬೈಲಿನ ಖಾದರ್‌ ಅವರ ಮಕ್ಕಳಾದ ಮುಹಮ್ಮದ್‌ ನವಾಸ್‌ ರಹಮಾನ್‌(21) ಮತ್ತು ಸಹೋದರ ನಾದಿಲ್‌(15) ಸಾವಿಗೀಡಾದರು.

ಶನಿವಾರ ಮಧ್ಯಾಹ್ನ ಮೊಗ್ರಾಲ್‌ ಕೊಪ್ಪಳಂ ಮಸೀದಿಯ ಕೆರೆಯಲ್ಲಿ ಸ್ನಾನ ಮಾಡಲೆಂದು ಇಳಿದಿದ್ದರು. ಈ ಇಬ್ಬರು ಕೊಪ್ಪಳದ ಸಂಬಂಧಿಕರ ಮನೆಗೆ ಬಂದವರು ಮಸೀದಿಯ ಕೆರೆಯಲ್ಲಿ ಸ್ನಾನ ಮಾಡಲೆಂದು ಇಳಿದಿದ್ದರು. ಕುಂಬಳೆ ಪೊಲೀಸರು ತನಿಖೆ ನಡೆಸಿ ಮೃತದೇಹಗಳನ್ನು ಶವ ಮಹಜರಿಗಾಗಿ ಶವಾಗಾರಕ್ಕೆ ಸಾಗಿಸಿದರು.

ಕೆರೆಯಲ್ಲಿ ಮುಳುಗುತ್ತಿದ್ದಾಗ ಇನ್ನೋರ್ವ ರಕ್ಷಿಸಲು ಶ್ರಮಿಸುತ್ತಿದ್ದಾಗ ದುರಂತ ಸಂಭವಿಸಿತ್ತೆನ್ನಲಾಗಿದೆ. ಬೊಬ್ಬೆ ಕೇಳಿ ಸ್ಥಳೀಯರು ಸ್ಥಳಕ್ಕೆ ಧಾವಿಸಿ ಇಬ್ಬರನ್ನು ಮೇಲಕ್ಕೆತ್ತಿ ಕೂಡಲೇ ಆಸ್ಪತ್ರೆಗೆ ತಲುಪಿಸಿದರೂ ರಕ್ಷಿಸಲು ಸಾಧ್ಯವಾಗಲಿಲ್ಲ.