Kukke Subrahmanya: ಮಳೆ ನಡುವೆ ಭಕ್ತ ಸಂದಣಿ

ಸುಬ್ರಹ್ಮಣ್ಯ: ಧಾರಕಾರ ಮಳೆಯ ನಡುವೆ ರಜಾ ದಿನವಾದ ರವಿವಾರ ಕುಕ್ಕೆ ಸುಬ್ರಹ್ಮಣ್ಯ(Kukke Subrahmanya) ಕ್ಷೇತ್ರಕ್ಕೆ ಭಾರೀ ಸಂಖ್ಯೆಯ ಭಕ್ತರು ಆಗಮಿಸಿ ದೇವರ ದರ್ಶನ ಪಡೆದರು.

ಕುಮಾರಧಾರಾ ನದಿಗೆ ಇಳಿಯಲು ನಿರ್ಬಂಧ ವಿಧಿಸಿರುವುದರಿಂದ ಭಕ್ತರು ನದಿ ದಡದಲ್ಲಿ ಡ್ರಮ್‌ಗಳಲ್ಲಿ ತುಂಬಿಸಿಟ್ಟ ನೀರಿನಲ್ಲೇ ತೀರ್ಥ ಸ್ನಾನ ಮಾಡಿಕೊಂಡರು.

ವಾಹನ ಹಾಗೂ ಭಕ್ತರ ದಟ್ಟಣೆ ಕಂಡುಬಂದಿದ್ದರೂ ಪೇಟೆಯಲ್ಲಿ ಏಕಮುಖ ವಾಹನ ಸಂಚಾರ ಮಾಡಲಾಗಿದ್ದರಿಂದ ಟ್ರಾಫಿಕ್‌ ಜಾಮ್‌ ಸಮಸ್ಯೆ ಉಂಟಾಗಿರಲಿಲ್ಲ.