‘ಆದಿಪುರುಷ’ನಿಗಾಗಿ ತೆಲುಗು ಕಲಿಯುತ್ತಿದ್ದಾರಂತೆ ಕೃತಿ!

ನವದೆಹಲಿ : ಬಾಲಿವುಡ್ ಬೆಡಗಿ ಕೃತಿ ಸನೂನ್ ಸದ್ಯ ಪ್ರಭಾಸ್ ನಟನೆಯ ಆದಿಪುರುಷ್ ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ಇತ್ತೀಚೆಗೆ ಸಿನಿಮಾ ಶೂಟಿಂಗ್ ಶುರು ಆಗಿದ್ದು, ಕೃತಿ ಈ ಚಿತ್ರದಲ್ಲಿ ಸೀತೆ ಪಾತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ. ಹೈ ಬಜೆಟ್ ಸಿನಿಮಾವಾದ ಆದಿಪುರುಷದಲ್ಲಿ ಬಾಲಿವುಡ್ ನ ಸೈಫ್ ಅಲಿಖಾನ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ.

ವಿಶೇಷ  ಏನಂದ್ರೆ ಈ ಸಿನಿಮಾಕ್ಕಾಗಿಯೇ  ನಟಿ ಕೃತಿ ತೆಲುಗನ್ನು ಕಲಿಯುತ್ತಿದ್ದಾರಂತೆ. ಓಂ ರಾವತ್ ನಿರ್ದೇಶನದ ಈ ಸಿನಿಮಾ ತೆಲುಗು ಮತ್ತು ಹಿಂದಿ ಎರಡು ಭಾಷೆಯಲ್ಲಿಯೂ ಸಿದ್ಧವಾಗುತ್ತಿದೆ. ಇದೇ ಕಾರಣಕ್ಕೆ ನಿರ್ದೇಶಕರು ನಟಿ ಕೃತಿಗೆ ತೆಲುಗು ಕಲಿಸುವ ಪ್ರಯತ್ನದಲ್ಲಿದ್ದಾರಂತೆ.

ತೆಲುಗು ಕಲಿಯುವ ಉದ್ದೇಶದಿಂದ ಕೃತಿ ಭಾಷಾತಜ್ಞರನ್ನು ನೇಮಿಸಿಕೊಂಡಿದ್ದಾರಂತೆ. ಭಾಷಾತಜ್ಞರ ಸಹಾಯದೊಂದಿಗೆ ಚಿತ್ರೀಕರಣದಲ್ಲಿ ಕೃತಿ ತೆಲುಗು ಮಾತನಾಡಲು ಪ್ರಯತ್ನಿಸುತ್ತಿದ್ದಾರಂತೆ. ಇನ್ನು ಚಿತ್ರದಲ್ಲಿ ಪ್ರಭಾಸ್ ರಾಮನಾಗಿ, ಸೈಫ್ ಅಲಿಖಾನ್ ರಾವಣನಾಗಿ ಮತ್ತು ಸನ್ನಿ ಸಿಂಗ್ ಲಕ್ಷ್ಮಣನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.