‘ಕ್ರಾಂತಿ’ ಶೂಟಿಂಗ್‌ ಸೆಟ್‌ನಲ್ಲಿ ‘ಮೆಜೆಸ್ಟಿಕ್‌’ ಸೆಲೆಬ್ರೆಶನ್‌

ಇದೇ ಫೆ. 8ಕ್ಕೆ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಅಭಿನಯದ “ಮೆಜೆಸ್ಟಿಕ್‌’ ಸಿನಿಮಾ ಬಿಡುಗಡೆಯಾಗಿ 20 ವರ್ಷಗಳಾಯಿತು. ಈ ಹಿನ್ನೆಲೆಯಲ್ಲಿ, ನಟ ದರ್ಶನ್‌, “ಮೆಜೆಸ್ಟಿಕ್‌’ ಚಿತ್ರದ ನಿರ್ಮಾಪಕ ಎಂ. ಜಿ ರಾಮಮೂರ್ತಿ ಹಾಗೂ ಚಿತ್ರತಂಡ ಒಟ್ಟಾಗಿ ಸೇರಿ ಕೇಕ್‌ ಕತ್ತರಿಸುವ ಮೂಲಕ “ಮೆಜೆಸ್ಟಿಕ್‌’ ಎರಡು ದಶಕದ ಖುಷಿಯನ್ನು ಸಂಭ್ರಮಿಸಲಾಯಿತು.

ಸದ್ಯ ದರ್ಶನ್‌ “ಕ್ರಾಂತಿ’ ಸಿನಿಮಾದಲ್ಲಿ ಬಿಝಿಯಾಗಿದ್ದು, ಚಿತ್ರೀಕರಣದ ನಡುವೆಯೇ ಬಿಡುವು ಮಾಡಿಕೊಂಡು ದರ್ಶನ್‌ “ಮೆಜೆಸ್ಟಿಕ್‌’ ಸಂಭ್ರಮದಲ್ಲಿ ಭಾಗಿಯಾದರು. ಈ ವೇಳೆ “ಕ್ರಾಂತಿ’ ಚಿತ್ರತಂಡ ಕೂಡ ಈ ಸಂಭ್ರಮಕ್ಕೆ ಸಾಥ್‌ ನೀಡಿದ್ದು, ನಿರ್ಮಾಪಕಿ ಶೈಲಜಾ ನಾಗ್‌, ಬಿ. ಸುರೇಶ್‌, ನಿರ್ದೇಶಕ ವಿ. ಹರಿಕೃಷ್ಣ ಸೇರಿದಂತೆ “ಕ್ರಾಂತಿ’ ಚಿತ್ರದ ಕಲಾವಿದರು ಮತ್ತು ತಂತ್ರಜ್ಞರು ಕೂಡ “ಮೆಜೆಸ್ಟಿಕ್ಟ್’ ಇಪ್ಪತ್ತರ ಸಂಭ್ರಮದಲ್ಲಿ ಭಾಗಿಯಾಗಿದ್ದರು.

ಇದನ್ನೂ ಓದಿ:ಗರಡಿ ಮನೆಯಲ್ಲಿ ಹೊಸ ಬದಲಾವಣೆ: ರಚಿತಾ ರಾಮ್‌ ಜಾಗಕ್ಕೆ ಸೋನಾಲ್‌ ಎಂಟ್ರಿ

ಅಂದಹಾಗೆ, ಇದೇ ಫೆ. 16ರಂದು ನಟ ದರ್ಶನ್‌ ಬರ್ತ್‌ಡೇ ಪ್ರಯುಕ್ತ “ಮೆಜೆಸ್ಟಿಕ್‌’ ಸಿನಿಮಾ ಮರು ಬಿಡುಗಡೆ ಆಗುತ್ತಿದೆ