ಕನಕನ ಚಿತ್ರದಲ್ಲಿ ಕೆ.ಪಿ.ನಂಜುಂಡಿ ನಟನೆ

ಧಾರಾವಾಹಿಗಳಲ್ಲಿ ತೊಡಗಿಸಿಕೊಂಡು ನಂತರದ ದಿನಗಳಲ್ಲಿ ತಮ್ಮ ಬೇರೆ ಬೇರೆ ಕಾರ್ಯಗಳಲ್ಲಿ ಬಿಝಿಯಾಗಿದ್ದ ಕೆ.ಪಿ.ನಂಜುಂಡಿ ಈಗ ಮತ್ತೆ ಬಣ್ಣ ಹಚ್ಚುತ್ತಿದ್ದಾರೆ. ಅದು ಸಿನಿಮಾವೊಂದಕ್ಕೆ. ಹೌದು, ಆರ್‌.ಚಂದ್ರು ನಿರ್ದೇಶನದ “ಕನಕ’ ಚಿತ್ರದಲ್ಲಿ ಕೆ.ಪಿ.ನಂಜುಂಡಿಯವರು ನಟಿಸುತ್ತಿದ್ದಾರೆ. ಸಿನಿಮಾದುದ್ದಕ್ಕೂ ಸಾಗಿಬರುವ ಈ ಪಾತ್ರಕ್ಕಾಗಿ ಕೆ.ಪಿ.ನಂಜುಂಡಿ ಒಂದಷ್ಟು ತಯಾರಿ ಮಾಡಿಕೊಳ್ಳುತ್ತಿದ್ದು, ವಿಜಯ್‌ ಜೊತೆ ಫೈಟ್‌ ಕೂಡಾ ಇದೆಯಂತೆ.

ಇಲ್ಲಿ ಕನ್ನಡದ ಹೋರಾಟಗಾರನಾಗಿ ನಂಜುಂಡಿ ಕಾಣಿಸಿಕೊಳ್ಳುತ್ತಿದ್ದಾರೆ. ಹೀಗಿರುವಾಗ ಫೈಟ್‌ ಯಾಕೆ ಎಂದು ನೀವು ಕೇಳಬಹುದು. ಆ ಕುತೂಹಲಕ್ಕೆ ಈಗಲೇ ಉತ್ತರವಿಲ್ಲ. ಸದ್ಯ “ಕನಕ’ ಚಿತ್ರೀಕರಣ ನಡೆಯುತ್ತಿದೆ. ತುಂಬಾ ವರ್ಷಗಳ ನಂತರ ತಮ್ಮ ಸಿನಿಮಾದಲ್ಲಿ ಕೆ.ಪಿ.ನಂಜುಂಡಿಯವರು ಬಣ್ಣ ಹಚ್ಚುತ್ತಿರುವುದರಿಂದ ಚಂದ್ರು ಖುಷಿಯಾಗಿದ್ದಾರೆ.