ಏಕಲವ್ಯ ಶಾಲೆಯಲ್ಲಿ 92 ಮಂದಿಗೆ ಕ್ವಾರಂಟೈನ್‌

ಕೊಟ್ಟಿಗೆಹಾರ: ಕೋವಿಡ್ ಸೋಂಕಿಗೊಳಗಾದ ಮೂಡಿಗೆರೆ ತಾಲೂಕಿನ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯರ ಪ್ರಾಥಮಿಕ ಸಂಪರ್ಕದಲ್ಲಿದ್ದ 92 ಮಂದಿಯನ್ನು ಕ್ವಾರಂಟೈನ್‌ನಲ್ಲಿಡಲು ತರುವೆ ಗ್ರಾಪಂ ವ್ಯಾಪ್ತಿಯ ತರುವೆಯ ಏಕಲವ್ಯ ವಸತಿ ಶಾಲೆಯಲ್ಲಿ ವ್ಯವಸ್ಥೆ ಮಾಡಲಾಗಿದೆ.

ಬುಧವಾರ ಸಂಜೆಯವರೆಗೆ ನಂದಿಪುರ ಗ್ರಾಮದ ವೈದ್ಯರೊಂದಿಗೆ ಪ್ರಥಮ ಹಂತದಲ್ಲಿ ಸಂಪರ್ಕದಲ್ಲಿದ್ದ 92 ಮಂದಿಯನ್ನು ತರುವೆ ಏಕಲವ್ಯ ವಸತಿ ಶಾಲೆಗೆ ಕರೆತರಲಾಗಿದೆ. ವೈದ್ಯಕೀಯ ಸಿಬ್ಬಂದಿ, ಪೊಲೀಸ್‌ ಇಲಾಖೆ ಸಿಬ್ಬಂದಿ, ಸ್ಥಳದಲ್ಲಿ ಮೊಕ್ಕಾಂ ಹೂಡಿದ್ದಾರೆ. ಈ ಬಗ್ಗೆ ಪತ್ರಿಕೆಯೊಂದಿಗೆ ಮಾತನಾಡಿದ ತಾಲೂಕು ಕಾರ್ಯ ನಿರ್ವಾಹಣಾಧಿ ಕಾರಿ ವೆಂಕಟೇಶ್‌, ವೈದ್ಯರೊಂದಿಗೆ ಪ್ರಥಮ ಹಂತದಲ್ಲಿ ಸಂಪರ್ಕದಲ್ಲಿದ್ದ ಬಸ್ಕಲ್‌ ಗ್ರಾಮಸ್ಥರನ್ನು ಬಿಳುಗುಳಕ್ಕೆ, ಮಾಕೋನಹಳ್ಳಿ ಗ್ರಾಮಸ್ಥರನ್ನು ಗೋಣಿಬೀಡಿಗೆ ಹಾಗೂ ನಂದಿಪುರ ಗ್ರಾಮಸ್ಥರನ್ನು ತರುವೆಯಲ್ಲಿ ಕ್ವಾರಂಟೈನ್‌ ಮಾಡಲಾಗಿದೆ. ಒಟ್ಟು 874 ಮಂದಿಯನ್ನು ಕ್ವಾರಂಟೈನ್‌ ಮಾಡಬೇಕಾಗಿದ್ದು ಸ್ಥಳಾವಕಾಶ ಸಾಲದಿದ್ದರೆ ಬಣಕಲ್‌ನ ಬಿಸಿಎಂ ವಸತಿ ನಿಲಯದಲ್ಲೂ ಕ್ವಾರಂಟೈನ್‌ ಮಾಡಲಾಗುವುದು ಎಂದು ತಿಳಿಸಿದ್ದಾರೆ