ಟ್ರೇಲರ್‌ ನಲಿ ದರ್ಶನ ನೀಡಲು ಕೋಟಿಗೊಬ್ಬ- ಸಲಗ ರೆಡಿ

ದಿನಗಣನೆ ಆರಂಭವಾಗಿದೆ. ಅಭಿಮಾನಿಗಳ ಕಾತರ ಕೂಡಾ ಹೆಚ್ಚಾಗುತ್ತಿದೆ. ಈ ಕಾತರನ್ನು ಕೊಂಚ ಮಟ್ಟಿಗೆ ತಣಿಸಲು ಚಿತ್ರತಂಡಗಳು ಮುಂದಾಗಿವೆ. ಅದು ಟ್ರೇಲರ್‌ ಬಿಡುಗಡೆ ಮಾಡುವ ಮೂಲಕ.

ಹೌದು, ಅಕ್ಟೋಬರ್‌ 14ರಂದು ಎರಡು ಎರಡು ಸ್ಟಾರ್‌ ಸಿನಿಮಾಗಳು ಬಿಡುಗಡೆಯಾಗುತ್ತಿರೋದು ನಿಮಗೆ ಗೊತ್ತೇ ಇದೆ. ಸುದೀಪ್‌ ನಟನೆಯ “ಕೋಟಿಗೊಬ್ಬ-3′ ಹಾಗೂ “ದುನಿಯಾ’ ವಿಜಯ್‌ ಅವರ “ಸಲಗ’ ಚಿತ್ರಗಳು ಈಗಾಗಲೇ ತಮ್ಮ ಬಿಡುಗಡೆಯನ್ನು ಘೋಷಿಸಿಕೊಂಡಿವೆ. ಎರಡೂ ಚಿತ್ರಗಳು ಸಹಜವಾಗಿಯೇ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಿಸಿವೆ. ಈಗಾಗಲೇ ಬಿಡುಗಡೆಯಾಗಿರುವ ಈ ಚಿತ್ರಗಳ ಟೀಸರ್‌, ಹಾಡುಗಳು ಹಿಟ್‌ ಆಗಿವೆ.

ಈಗ ಚಿತ್ರತಂಡಗಳು ಬಿಡುಗಡೆಗೆ ಒಂದು ವಾರ ಮುಂಚೆಯೇ ಅಭಿಮಾನಿಗಳಿಗೆ ಟ್ರೇಲರ್‌ ಮೂಲಕ ಖುಷಿ ನೀಡಲು ಹೊರಟಿವೆ. “ಕೋಟಿಗೊಬ್ಬ-3′ ಚಿತ್ರದ ಟ್ರೇಲರ್‌ ಅಕ್ಟೋಬರ್‌ 07ರಂದು ಬಿಡುಗಡೆಯಾಗಲಿದೆ. ಇನ್ನು, “ಸಲಗ’ ಕೂಡಾ ಇದೇ ವಾರ ಚಿತ್ರದ ಟ್ರೇಲರ್‌ ಬಿಡುಗಡೆ ಮಾಡಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ.

ಚಿತ್ರದ ಟ್ರೇಲರ್‌ ಬಿಡುಗಡೆ ಬಳಿಕ ಈ ಸಿನಿಮಾಗಳ ಕ್ರೇಜ್‌ ಸಹಜವಾಗಿಯೇ ಮತ್ತಷ್ಟು ಹೆಚ್ಚುವ ಸಾಧ್ಯತೆ ಇದೆ. ಇನ್ನು ಅದೇ ವಾರ ತೆರೆಕಾಣುತ್ತಿರುವ ಮತ್ತೂಂದು ಚಿತ್ರ ವೆಂದರೆ “ಕೃಷ್ಣ ಅಟ್‌ ಜಿಮೇ ಲ್‌. ಕಾಮ್‌’. ಡಾರ್ಲಿಂಗ್‌ ಕೃಷ್ಣ ನಾಯಕರಾಗಿರುವ ಈ ಚಿತ್ರದ ಟ್ರೇಲರ್‌ ಈಗಾಗಲೇ ಬಿಡುಗಡೆಯಾಗಿದೆ.