ಹಿರಿಯ ಸಾಹಿತಿ, ಉದ್ಯಮಿ, ದಾನಿ, ಸಮಾಜ ಸೇವಕ ಕೋಟೇಶ್ವರ ಸೂರ್ಯನಾರಾಯಣರಾವ್ ನಿಧನ

ಕೋಟೇಶ್ವರದವರಾಗಿದ್ದು,ಬೆಂಗಳೂರಿನ ಬಸವನಗುಡಿಯ ಡಿ.ವಿ.ಜಿ. ರಸ್ತೆಯಲ್ಲಿ ಮಹಾಲಕ್ಷ್ಮಿ ಸ್ಟೋರ್ಸ ಮಳಿಗೆ ನಡೆಸುತ್ತಿದ್ದ,ಹಿರಿಯ ಸಾಹಿತಿ,ಪತ್ರಿಕಾ ಬರಹಗಾರ, ಕೋಟೇಶ್ವರ ಸೂರ್ಯನಾರಾಯಣರಾವ್(80) ಡಿಸೆಂಬರ್12ರಂದು ನಿಧನರಾದರು.

ಕೋಟೇಶ್ವರದ ಕೊಡಿ ಹಬ್ಬಕ್ಕೆ ಬರುತ್ತಿದ್ದಾಗ ನಡೆದ ರಸ್ತೆ ಅಫಘಾತದಲ್ಲಿ ಇವರು ಮೃತಪಟ್ಟರೆಂದು ತಿಳಿದು ಬಂದಿದೆ.

ಹತ್ತು ಹಲವು ಸಾಮಾಜಕ ಕಾರ್ಯಗಳಲ್ಲಿ ತನ್ನನ್ನು ತೊಡಗಿಸಿಕೊಂಡಿದ್ದ ಇವರು, ಕೋಟೇಶ್ವರ ಸೂರ್ಯನಾರಾಯಣ ರತ್ನ ಟ್ರಸ್ಟ್ ಮೂಲಕ ಹಲವು ಸೇವಾ ಕಾರ್ಯಗಳನ್ನು ಕೋಟೇಶ್ವರ ಪರಿಸರದ ಶಾಲೆ, ದೇವಾಲಯಗಳಲ್ಲೂ ಕೈಗೊಂಡಿದ್ದಾರೆ. ಕುಡಿಯುವ ನೀರಿನ ವ್ಯವಸ್ಥೆ, ವಾಚನಾಲಯಕ್ಕೆ ಹೆಚ್ಚು ಆದ್ಯತೆ ನೀಡಿದವರು. ಕುಂದಕನ್ನಡ ಪ್ರಚಾರಕ್ಕೆ ಬಹಳ ಆದ್ಯತೆ ನೀಡಿದವರು.

ಇವರು ,ಪತ್ನಿ,ಇಬ್ಬರು ಪುತ್ರರು,ಓರ್ವ ಪುತ್ರಿಯನ್ನುಅಗಲಿದ್ದಾರೆ.