Heavy Rain ಕೋಟೇಶ್ವರ: ಶ್ರೀ ಕೋಟಿಲಿಂಗೇಶ್ವರ ದೇಗುಲ ಜಲಾವೃತ

ಕೋಟೇಶ್ವರ: ಭಾರೀ ಮಳೆಯಿಂದಾಗಿ ಕೋಟೇಶ್ವರದ ಶ್ರೀ ಕೋಟಿಲಿಂಗೇಶ್ವರ ದೇಗುಲದ ಹೊರಸುತ್ತು ಸಂಪೂರ್ಣವಾಗಿ ಜಲಾವೃತಗೊಂಡಿದೆ.

ದೇಗುಲದ ಗರ್ಭಗುಡಿ, ಒಳಪೌಳಿ ಮಧ್ಯಭಾಗ, ತೀರ್ಥಬಾವಿ, ಹೊರಗಿನ ಧ್ವಜಕಟ್ಟೆ ಮತ್ತು ಸೇವಾಕೌಂಟರ್‌ಗಳ ಸುತ್ತ ನೀರು ತುಂಬಿಕೊಂಡಿದೆ.

ನೀರಿನ ಹೊರಹರಿವಿಗೆ ತತ್‌ಕ್ಷಣ ಕ್ರಮ ಕೈಗೊಳ್ಳದಿದ್ದಲ್ಲಿ ದೇಗುಲಕ್ಕೆ ಆಗಮಿಸುವ ಭಕ್ತರಿಗೆ ದರ್ಶನಕ್ಕೆ ತೊಡಕಾಗಲಿದೆ.

ಈ ಸಮಸ್ಯೆಗೆ ಪರಿಹಾರರೋಪಾಯ ಮಾರ್ಗ ಕಂಡುಕೊಳ್ಳದಿದ್ದಲ್ಲಿ ದೇಗುಲದ ಸಂಕೀರ್ಣಗಳಿಗೆ ಹಾನಿಯಾಗಲಿದ್ದು, ತೀರ್ಥ ಬಾವಿಯ ಪವಿತ್ರ ಜಲ ಕಲುಷಿತಗೊಳ್ಳಬಹುದೆಂದು ಅನೇಕ ಭಕ್ತರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.