ಕೋಟ ಸಹಕಾರಿ ಬ್ಯಾಂಕ್ ಕಳವು ಯತ್ನ 

ತೆಕ್ಕಟ್ಟೆ: ಕೋಟ ಸಹಕಾರಿ ಬ್ಯಾಂಕ್ ನ ಬೇಳೂರು ಶಾಖೆಯಲ್ಲಿ ರವಿವಾರ ತಡರಾತ್ರಿ ಕಳ್ಳತನ ಯತ್ನ ನಡೆಸಲಾಗಿದೆ . ಬ್ಯಾಂಕ್ ನ ಬೀಗ ಮುರಿದು ವಿದ್ಯುತ್ ಫ್ಯೂಸ್ ತೆಗೆದ ಕಳ್ಳರು ವಿಫಲ ಯತ್ನ ನಡೆಸಿದ್ದಾರೆ . 

ಕುಂದಾಪುರ ತಾಲೂಕಿನ ಬೇಳೂರು ಎಂಬಲ್ಲಿ ಈ ಘಟನೆ ನಡೆದಿದೆ. ರವಿವಾರ ರಾತ್ರಿ 11 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಸಿಸಿ ಕೆಮರವನ್ನುಹಾನಿ ಮಾಡಲಾಗಿದೆ. ಕಳೆದ 2  ತಿಂಗಳಿನಿಂದಲೂ ಡಿವಿಆರ್  ಫ್ಯೂಸ್ ಹೋಗಿದ್ದು ಕಳವು ಯತ್ನದ ದೃಶ್ಯಾವಳಿಗಳು ದಾಖಲಾಗಲಿಲ್ಲ. 

ಸಹಕಾರಿ ಸೌಧ ಕಟ್ಟಡವನ್ನು ನೂತನವಾಗಿ ನಿರ್ಮಿಸಲಾಗಿತ್ತು. ಇದು ಜನವಸತಿ ಪ್ರದೇಶವಾಗಿದ್ದು, ಜನರು ಆತಂಕ ವ್ಯಕ್ತ ಪಡಿಸಿದ್ದಾರೆ. 
 

ಸ್ಥಳಕ್ಕೆ ಶ್ವಾನದಳ, ಬೆರಳಚ್ಚು ತಜ್ಞರು ಭೇಟಿ ನೀಡಿದ್ದಾರೆ. ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.