Advertisement
ಒಲಿಂಪಿಕ್‌ ಬೆಳ್ಳಿ ವಿಜೇತೆ ಸಿಂಧು ಥಾಲಂಡಿನ ನಿಚಾವೋನ್‌ ಜಿಂದಾಪಾಲ್‌ ಅವರನ್ನು 22-20, 21-17 ಗೇಮ್‌ಗಳಿಂದ ಉರುಳಿಸಿ ಕ್ವಾರ್ಟರ್‌ಫೈನಲಿಗೇರಿದರು. ಅವರಲ್ಲಿ ಜಪಾನಿನ ಮಿನಾಟ್ಸು ಮಿಟಾನಿ ಅವರ ಸವಾಲನ್ನು ಎದುರಿಸಲಿದ್ದಾರೆ. 2014ರ ವಿಶ್ವ ಚಾಂಪಿಯನ್‌ಶಿಪ್‌ನ ಕಂಚು ವಿಜೇತೆ ಮಿಟಾನಿ 2012ರ ಫ್ರೆಂಚ್‌ ಓಪನ್‌ ಕೂಟದಲ್ಲಿ ಸೈನಾ ನೆಹ್ವಾಲ್‌ ಅವರನ್ನು ಕೆಡಹಿ ಪ್ರಶಸ್ತಿ ಜಯಿಸಿದ್ದರು.
ಭಾರತೀಯ ಯುವ ಡಬಲ್ಸ್‌ ತಾರೆಯರಾದ ಚಿರಾಗ್‌ ಶೆಟ್ಟಿ ಮತ್ತು ಸಾತ್ವಿಕ್‌ ಸಾಯ್‌ರಾಜ್‌ ಅವರು ಚೈನೀಸ್‌ ತೈಪೆಯ ಲೀ ಝೀ ಹುಯಿ ಮತ್ತು ಯಿ ಲಾಂಗ್‌ ಅವರನ್ನು 23-21, 16-21, 21-8 ಗೇಮ್‌ಗಳಿಂದ ಉರುಳಿಸಿ ಅಂತಿಮ ಎಂಟರ ಸುತ್ತಿಗೇರಿದರು. ಅವರಿಬ್ಬರು ಸೂಪರ್‌ ಸೀರೀಸ್‌ ಕೂಟದಲ್ಲಿ ಕ್ವಾರ್ಟರ್‌ಫೈನಲಿಗೇರಿರುವುದು ಇದೇ ಮೊದಲ ಸಲವಾಗಿದೆ. ಅರ್ಹತಾ ಸುತ್ತಿನಲ್ಲಿ ಮೊದಲ ಬಾರಿ ಆಡಿದ್ದ ಚಿರಾಗ್‌ ಮತ್ತು ಸಾತ್ವಿಕ್‌ ಅವರು ಮೊದಲ ಸುತ್ತಿನಲ್ಲಿ ಲೀ ಶೆಂಗ್‌ ಮು ಮತ್ತು ಲಿನ್‌ ಚಿಯಾ ಯು ಅವರನ್ನು 21-9, 22-24, 21-12 ಗೇಮ್‌ಗಳಿಂದ ಕೆಡಹಿದ್ದರು.