ಚೆನ್ನೈ: ʼಲವ್ ಟುಡೇʼ ಮೂಲಕ ಪ್ರೇಕ್ಷಕರ ಮನಗೆದ್ದ ನಟ ಪ್ರದೀಪ್ ರಂಗನಾಥನ್ ತಮ್ಮ ಹುಟ್ಟುಹಬ್ಬಕ್ಕೆ(ಜು.25ರಂದು) ಹೊಸ ಸಿನಿಮಾದ ಟೈಟಲ್‌ ಹಾಗೂ ಫಸ್ಟ್‌ ಲುಕ್ ಪೋಸ್ಟರ್‌ ನ್ನು ರಿಲೀಸ್‌ ಮಾಡಿ ಅಭಿಮಾನಿಗಳಿಗೆ ಸರ್ಪ್ರೈಸ್‌ ನೀಡಿದ್ದಾರೆ.
ಬಹುಭಾಷಾ ನಟಿ ನಯನತಾರಾ ಅವರ ಪತಿ ವಿಘ್ನೇಶ್ ಶಿವನ್ ನಿರ್ದೇಶನದ ಈ ಸಿನಿಮಾಕ್ಕೆ ‘ಲವ್ ಇನ್ಶೂರೆನ್ಸ್ ಕಂಪನಿʼ (Love Insurance Kompany) ಎಂದು ಟೈಟಲ್‌ ಇಡಲಾಗಿದೆ. ಟೈಟಲ್‌ ಹಾಗೂ ಫಸ್ಟ್‌ ಲುಕ್ ಪೋಸ್ಟರ್‌ ರಿವೀಲ್‌ ಮಾಡಿ ಸಿನಿಮಾದ ಮೇಲಿನ ಕುತೂಹಲವನ್ನು ಹೆಚ್ಚಿಸಿದ್ದಾರೆ.
ಮೊಬೈಲ್‌ ಮುಂದೆ ಕೂತು ಸೆಲ್ಫಿ ತೆಗೆಯುವ ರೀತಿ ಪೋಸ್ಟರ್‌ ನಲ್ಲಿ ತೋರಿಸಲಾಗಿದೆ. ಇದೊಂದು ರೊಮ್ಯಾಂಟಿಕ್‌ ಕಥೆಯ ಸಿನಿಮಾವಾಗಲಿದ್ದು, ಕೃತಿ ಶೆಟ್ಟಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಎಸ್ ಜೆ ಸೂರ್ಯ ಮತ್ತು ಗೌರಿ ಕಿಶನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಸಿನಿಮಾಕ್ಕೆ ನಯನತಾರಾ ಅವರ ರೌಡಿ ಪಿಕ್ಚರ್ಸ್‌ ಹಾಗೂ ಸೆವೆನ್ ಸ್ಕ್ರೀನ್ ಸ್ಟುಡಿಯೋ ಬಂಡವಾಳ ಹಾಕಲಿದೆ. ಅನಿರುದ್ಧ್ ರವಿಚಂದರ್‌ ಮ್ಯೂಸಿಕ್‌ ನೀಡಲಿದ್ದಾರೆ.
ಸದ್ಯ ಫಸ್ಟ್‌ ಲುಕ್ ರಿವೀಲ್‌ ಆಗಿದ್ದು, ರಿಲೀಸ್‌ ಡೇಟ್‌ ಇನ್ನಷ್ಟೇ ಅನೌನ್ಸ್‌ ಆಗಬೇಕಿದೆ.
