Kollegala: ಎತ್ತಿನಗಾಡಿಗೆ ಸಾಮ್ರಾಟ್ ಟರ್ಬೇ ವಾಹನ ಡಿಕ್ಕಿ; ಎತ್ತು ಸಾವು

ಕೊಳ್ಳೇಗಾಲ: ಗದ್ದೆಯಲ್ಲಿ ಕಟಾವು ಮಾಡಿದ ಕಬ್ಬನ್ನು ಎತ್ತಿನಗಾಡಿಯಲ್ಲಿ ರಾಷ್ಟ್ರೀಯ ಹೆದ್ದಾರಿ ಬೈಪಾಸ್ ರಸ್ತೆ ಬದಿಗೆ ಸಾಗಿಸುತ್ತಿದ್ದ ವೇಳೆ ಹಿಂಬದಿಯಿಂದ ಬಂದ ಸಾಮ್ರಾಟ್ ಟರ್ಬೇ ವಾಹನ ಡಿಕ್ಕಿ ಹೊಡೆದ ಪರಿಣಾಮ ಒಂದು ಎತ್ತು ಮೃತಪಟ್ಟ ಘಟನೆ ನಗರದ ಹೊರವಲಯದಲ್ಲಿ ಶುಕ್ರವಾರ (ನ.15) ನಡೆದಿದೆ.

ಮೋಳೆ ಬಡಾವಣೆಯ ಸಂಜಶೆಟ್ಟಿರವರ ಪುತ್ರ ಪ್ರಭುಸ್ವಾಮಿ (33) ಎಂಬಾತನೇ ಎತ್ತಿನಗಾಡಿಗೆ ವಾಹನ ಡಿಕ್ಕಿ ಹೊಡೆದ ಪರಿಣಾಮ ಗಾಯಗೊಂಡು ಸರ್ಕಾರಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ.

ಐದು ಲಕ್ಷರೂ ಬೆಲೆಬಾಳುವ ಒಂದು ಎತ್ತು ಮೃತಪಟ್ಟಿದ್ದು, ಮತ್ತೊಂದು ಎತ್ತು ಗಾಯಗೊಂಡಿದೆ.

ಸದ್ಯ ಗಾಯಾಳು ವಾಹನ ಚಾಲಕನ ವಿರುದ್ಧ ನಗರ ಠಾಣೆಗೆ ದೂರು ಸಲ್ಲಿಸಿದ್ದು, ಪೊಲೀಸರು ವಾಹನ ವಶಪಡಿಸಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.