ಕೋಲ್ಕತ : 2019ರ ವಿಶ್ವಕಪ್ ಕ್ರಿಕೆಟ್‌ ಕೂಟಕ್ಕೆ ಮುನ್ನವೇ ಭಾರತದ ವೇಗದ ಎಸೆಗಾರ ಮೊಹಮ್ಮದ್‌ ಶಮಿ ಅವರಿಗೆ ಈಗ ದೊಡ್ಡ ಸಂಕಟ ಎದುರಾಗಿದೆ.
ಕೋಲ್ಕತ ಪೊಲೀಸರು ಶಮಿ ವಿರುದ್ದ ವರದಕ್ಷಿಣೆ ಮತ್ತು ಲೈಂಗಿಕ ಕಿರುಕುಳಕ್ಕಾಗಿ ಚಾರ್ಜ್‌ ಶೀಟ್‌ ದಾಖಲಿಸಿದ್ದಾರೆ.
ಶಮಿ ಮತ್ತು ಆತನ ಸಹೋದರನ ವಿರುದ್ಧದ ಈ ಚಾರ್ಜ್‌ ಶೀಟನ್ನು ಕೋಲ್ಕತ ಪೊಲೀಸರು ಆಲಿಪುರ ಕೋರ್ಟಿಗೆ ಸಲ್ಲಿಸಿದ್ದಾರೆ.
ಲಂಡನ್‌ನಲ್ಲಿ ವಿಶ್ವ ಕಪ್‌ ಕ್ರಿಕೆಟ್‌ ಕೂಟ ನಡೆಯಲಿದ್ದು ಶಮಿ ಅವರ ವಿಶ್ವ ಕಪ್‌ ಅಭಿಯಾನಕ್ಕೆ ತೊಡಕುಂಟಾಗಲಿದೆ. ಪ್ರಕರಣದ ಮುಂದಿನ ವಿಚಾರಣೆಯನ್ನು ಕೋರ್ಟ್‌ ಜೂನ್‌ 22ಕ್ಕೆ ನಿಗದಿಸಿದೆ.
ಶಮಿ ಅವರ ಪರಿತ್ಯಕ್ತ ಪತ್ನಿ ಹಸೀನ್‌ ಜಹಾನ್‌ ನೀಡಿರುವ ದೂರಿನ ಪ್ರಕಾರ ಕೋಲ್ಕತ ಪೊಲೀಸರು ಚಾರ್ಜ್‌ ಶೀಟ್‌ ದಾಖಲಿಸಿದ್ದಾರೆ.
ಮೊಹಮ್ಮದ್‌ ಶಮಿ ಮತ್ತು ಅವರ ಪತ್ನಿ ಹಸೀನ್‌ ನಡುವಿನ ಕಲಹ ಕಳೆದ ವರ್ಷ ಮಾಚ್‌ 7ರಂದು ಬಹಿರಂಗಕ್ಕೆ ಬಂದಿತ್ತು. ಪತಿಗೆ ಅಫೇರ್‌ ಇದೆ ಎಂದು ಆರೋಪಿಸಿ ಆಕೆ ಸಾಮಾಜಿಕ ಮಾದ್ಯಮದಲ್ಲಿ ಸ್ಕ್ರೀನ್‌ ಶಾಟ್‌ ಅಪ್‌ಲೋಡ್‌ ಮಾಡಿದ್ದರು. ಶಮಿ ಮ್ಯಾಚ್‌ ಫಿಕ್ಸಿಂಗ್‌ ನಲ್ಲಿ ಕೂಡ ಭಾಗಿ ಎಂದಾಕೆ ಆರೋಪಿಸಿದ್ದರು.
