ನದಿಗೆ ಉರಳಿದ ಬಸ್‌: 13 ಮಂದಿ ದುರ್ಮರಣ

ಕೊಲ್ಲಾಪುರ: ಚಾಲಕನ ನಿಯಂತ್ರಣ ತಪ್ಪಿ ಮಿನಿ ಬಸ್‌ವೊಂದು ತಡೆಗೋಡೆಗೆ ಡಿಕ್ಕಿ ಹೊಡೆದು ನದಿಗೆ ಉರುಳಿ 13 ಜನ ದಾರುಣವಾಗಿ ಸಾವನ್ನಪ್ಪಿದ ಘಟನೆ ಕೊಲ್ಲಾಪುರದ ಬಳಿ ಶುಕ್ರವಾರ ರಾತ್ರಿ ನಡೆದಿದೆ.

ಮಿನಿ ಬಸ್‌ ಗಣಪತಿ ಪುಲೆಯಿಂದ ಪುಣೆಗೆ ಚಲಿಸುತಿದ್ದ ಸಂದರ್ಭದಲ್ಲಿ ಈ ದುರ್ಘ‌ಟನೆ ಸಂಭವಿಸಿದೆ. ಮೃತಪಟ್ಟವರೆಲ್ಲ ಪುಣೆಯ ಬಲೆವಾಡಿ ಪ್ರದೇಶದವರೆಂದು ತಿಳಿದು ಬಂದಿದೆ. ಬಸ್‌ನಲ್ಲಿ ಒಟ್ಟ 15 ಜನ ಪ್ರಯಾಣಿಕರಿದ್ದರೆಂದು ವರದಿಯಾಗಿದ್ದು, ಇಬ್ಬರ  ಸ್ಥಿತಿ ಗಂಭೀರವಾಗಿದ್ದು ಕೊಲ್ಲಾಪುರ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪೊಲೀಸರು ಹಾಗೂ ಅಗ್ನಿಶಾಮಕ ಸಿಬಂದಿ ಸ್ಥಳಕ್ಕಾಗಮಿಸಿ ಕಾರ್ಯಚರಣೆ ನಡೆಸಿದರು.