ಕೋಲಾರ ಕೈ ಭಿನ್ನಮತ ಸ್ಫೋಟ ; ಮಾರಾಮಾರಿ , ಮುಖಂಡನಿಗೆ ಥಳಿತ

ಕೋಲಾರ: ರಾಜ್ಯದ ಪ್ರತಿಷ್ಠಿತ ಲೋಕಸಭಾ ಕ್ಷೇತ್ರಗಳಲ್ಲಿ ಒಂದಾಗಿರುವ ಕೋಲಾರದಲ್ಲಿ ಕಾಂಗ್ರೆಸ್‌ನ ಭಿನ್ನಮತ ಬಹಿರಂಗವಾಗಿದ್ದು, ಬುಧವಾರ ಕಾರ್ಯಕರ್ತರ ನಡುವೆ ಮಾರಾಮಾರಿ ನಡೆದಿದ್ದು, ಮುಖಂಡನೊಬ್ಬರಿಗೆ  ಥಳಿಸಲಾಗಿದೆ.

ಶ್ರೀನಿವಾಸಪುರದ ಗೌನಿಪಲ್ಲಿಯಲ್ಲಿ ನಡೆದ ಸಭೆಯಲ್ಲಿ ಮ್ಯಾಂಗೋ ಬೋರ್ಡ್‌ನ ಮಾಜಿ ಅಧ್ಯಕ್ಷ ದಳಸಗೂರು ಗೋಪಾಲ ಕೃಷ್ಣ ಅವರ ಮೇಲೆ ಹಲ್ಲೆ ನಡೆದಿದ್ದು, ಕಾರ್ಯಕರ್ತರ ನಡುವೆ ಹೊಡೆದಾಟ ನಡೆದು ಉದ್ವಿಗ್ನ ವಾತಾವರಣ ನಿರ್ಮಾಣವಾಗಿದೆ.

ಹೊಡೆದಾಟ ತೀವ್ರವಾಗಿ ಸ್ಥಳೀಯ ಕಾರ್ಯಕರ್ತರು ಮುಗಿ ಬಿದ್ದ ವೇಳೆ ಗೋಪಾಲ ಕೃಷ್ಣ ಅವರು ಕಾರಿನಲ್ಲಿ ಸ್ಥಳದಿಂದ ತೆರಳಿದ್ದಾರೆ.

ಕೋಲಾರದಲ್ಲಿ ಕಾಂಗ್ರೆಸ್‌ ಜೆಡಿಎಸ್‌ ಮೈತ್ರಿ ಅಭ್ಯರ್ಥಿ ಹಾಲಿ ಸಂಸದ ಕೆ.ಎಚ್‌.ಮುನಿಯಪ್ಪ ಅವರಿಗೆ ಭಾರೀ ಸವಾಲು ಎದುರಾಗಿದ್ದು, ಒಂದೆಡೆ ಜೆಡಿಎಸ್‌ ಕಾರ್ಯಕರ್ತರ ಬಂಡಾಯ,ಇನ್ನೊಂದೆಡೆ ಸ್ವಪಕ್ಷೀಯರ ವಿರೋಧವನ್ನೂ ಎದುರಿಸಬೇಕಾಗಿ ಬಂದಿದೆ.

ಬಿಜೆಪಿಯಿಂದ ಮುನಿಸ್ವಾಮಿ ಅವರು ಕಣದಲ್ಲಿದ್ದಾರೆ.