ನ್ಯೂಯಾರ್ಕ್‌ನಲ್ಲಿ  ಅನುಷ್ಕಾ  ಜತೆ ಕೊಹ್ಲಿ ಸುತ್ತಾಟ

ನ್ಯೂಯಾರ್ಕ್‌: ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಪ್ರವಾಸ ಮುಗಿಸಿರುವ ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಈಗ ರಜಾ ಮಜಾದಲ್ಲಿದ್ದಾರೆ. ತಮ್ಮ ಗೆಳತಿ, ಬಾಲಿವುಡ್‌ ನಟಿ ಅನುಷ್ಕಾ ಶರ್ಮ ಜತೆ ನ್ಯೂಯಾರ್ಕ್‌ನಲ್ಲಿ ಸುತ್ತುತ್ತಿದ್ದಾರೆ. ಕೊಹ್ಲಿ ಜತೆಗಿರುವ ಚಿತ್ರವನ್ನು ಅನುಷ್ಕಾ ಸಾಮಾಜಿಕ ಜಾಲತಾಣ ಟ್ವೀಟರ್‌ನಲ್ಲಿ ಅಪ್‌ಲೋಡ್‌ ಮಾಡಿದ್ದು, ಭಾರೀ ಸದ್ದು ಮಾಡುತ್ತಿದೆ. ಕೊಹ್ಲಿ ಮತ್ತು ಅನುಷ್ಕಾ ಪ್ರೇಮಿಗಳಾಗಿದ್ದು, ಇಬ್ಬರು ಜತೆಜತೆಯಾಗಿ ಸುತ್ತಾಡುವುದು ಹೊಸದಲ್ಲ. ಈ ಹಿಂದೆಯೂ ಹಲವು ಬಾರಿ ಈ ಜೋಡಿ ಆಸ್ಟ್ರೇಲಿಯಾ, ಅಮೆರಿಕ ಸೇರಿದಂತೆ ಹಲವು ಕಡೆ ಸುತ್ತಾಡಿ ಗಮನ ಸೆಳೆದಿತ್ತು.