ಮುಂಬಯಿ ದಾಳಿ ಸ್ಮರಿಸಿದ ಕೊಹ್ಲಿ

ಮುಂಬಯಿ: ಮುಂಬಯಿಯಲ್ಲಿ ಉಗ್ರರ ದಾಳಿ ನಡೆದು 11 ವರ್ಷಗಳು ಉರುಳಿವೆ. ದಾಳಿಯಲ್ಲಿ ಹುತಾತ್ಮ ರಾದವರನ್ನು ಗಣ್ಯರ ಸಹಿತ ಕೋಟ್ಯಾಂತರ ಭಾರತೀಯರು ಸ್ಮರಿಸಿದ್ದಾರೆ. ಭಾರತೀಯ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಇವರಲ್ಲಿ ಸೇರಿದ್ದಾರೆ. ಅವರು ಹಾಗೂ ಕ್ರಿಕೆಟ್‌ ಆಟಗಾರರು ಮುಂಬಯಿ ದಾಳಿಯ ಕರಾಳ ದಿನವನ್ನು ನೆನಪಿಸಿ ದಾಳಿಯಲ್ಲಿ ಮಡಿದ ಹುತಾತ್ಮರನ್ನು ಸ್ಮರಿಸಿದ್ದಾರೆ.

ವಿರಾಟ್‌ ತಮ್ಮ ಸಂದೇಶದಲ್ಲಿ 26/11 ಘಟನೆ ಕಳೆದು ಹೋಗಿರಬಹುದು. ಆದರೆ ಎಂದಿಗೂ ಮರೆಯಲು ಸಾಧ್ಯವಿಲ್ಲ ಎಂದು ಉಲ್ಲೇಖಿಸಿದ್ದಾರೆ. ಈ ಮೂಲಕ ಹುತಾತ್ಮರಿಗೆ ಶ್ರದ್ಧಾಂಜಲಿ ಅರ್ಪಿಸಿದ್ದಾರೆ.