ಟಿ20 ಸರಣಿ ಸೋತ ಕಿವೀಸ್ ಮತ್ತೊಂದು ಆಘಾತ: ವೇಗಿಗಳ ಕೊರತೆಯಲ್ಲಿ ಬ್ಲ್ಯಾಕ್ ಕ್ಯಾಪ್ಸ್

ಹ್ಯಾಮಿಲ್ಟನ್: ಭಾರತದ ವಿರುದ್ಧ ಟಿ20 ಸರಣಿ ಸೋತಿರುವ ನ್ಯೂಜಿಲ್ಯಾಂಡ್ ಗೆ ಮತ್ತೊಂದು ಹಿನ್ನಡೆಯಾಗಿದೆ. ಗಾಯಗೊಂಡು ಟಿ20 ಸರಣಿ ತಪ್ಪಿಸಿಕೊಂಡಿದ್ದ ವೇಗಿಗಳು ಏಕದಿನ ಸರಣಿಯಿಂದಲೂ ಹೊರಬಿದ್ದಿದ್ದಾರೆ.

ಮೂರು ಪಂದ್ಯಗಳ ಏಕದಿನ ಸರಣಿಗೆ ಕಿವೀಸ್ ತಂಡ ಪ್ರಕಟಿಸಲಾಗಿದೆ. ಗಾಯಗೊಂಡಿರುವ ಟ್ರೆಂಟ್ ಬೋಲ್ಟ್, ಮ್ಯಾಟ್ ಹೆನ್ರಿ, ಲ್ಯೂಕಿ ಫರ್ಗೂಸನ್ ಗುಣಮುಖವಾಗದ ಹಿನ್ನಲೆಯಲ್ಲಿ ಏಕದಿನ ತಂಡದಲ್ಲಿ ಸ್ಥಾನ ಪಡೆದಿಲ್ಲ. ಇವರ ಬದಲಿಗೆ ಹ್ಯಾಮಿಶ್ ಬೆನೆಟ್, ಸ್ಕಾಟ್ ಕುಗ್ಲೀಜನ್ ಮತ್ತು ಯುವ ಆಟಗಾರ ಕೈಲ್ ಜ್ಯಾಮೇಸನ್ ಗೆ ಅವಕಾಶ ನೀಡಲಾಗಿದೆ. ಟಿಮ್ ಸೌಥಿ ವೇಗದ ಬೌಲಿಂಗ್ ನ ನೇತೃತ್ವ ವಹಿಸಲಿದ್ದಾರೆ.

ಸ್ಪಿನ್ನರ್ ಇಶ್ ಸೋಧಿ ಮೊದಲ ಪಂದ್ಯದಲ್ಲಿ ಆಡಲಿದ್ದಾರೆ. ನಂತರ ಭಾರತ ೆ ವಿರುದ್ಧದ ಅನಧಿಕೃತ ಟೆಸ್ಟ್ ಪಂದ್ಯಕ್ಕಾಗಿ ಕಿವೀಸ್ ಎ ತಂಡವನ್ನು ಕೂಡಿಕೊಳ್ಳಲಿದ್ದಾರೆ.

ಫೆಬ್ರವರಿ ಐದರಂದು ಮೊದಲ ಏಕದಿನ ಪಂದ್ಯ ಹ್ಯಾಮಿಲ್ಟನ್ ನಲ್ಲಿ ನಡೆಯಲಿದ್ದಾರೆ.

ಕಿವೀಸ್ ತಂಡ

ಕೇನ್ ವಿಲಿಯಮ್ಸನ್, ಹ್ಯಾಮಿಶ್ ಬೆನೆಟ್, ಟಾಮ್ ಬ್ಲಂಡೆಲ್, ಕಾಲಿನ್ ಡಿ ಗ್ರಾಂಡ್ ಹೋಮ್, ಮಾರ್ಟಿನ್ ಗಪ್ಟಿಲ್, ಕೈಲ್ ಜ್ಯಾಮಿಸನ್, ಸ್ಕಾಟ್ ಕುಗ್ಲಿಜನ್, ಟಾಮ್ ಲ್ಯಾಂಥಮ್, ಜಿಮ್ಮಿ ನೀಶಮ್, ಹೆನ್ರಿ ನಿಕೋಲ್ಸ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೌಥಿ, ರಾಸ್ ಟೇಲರ್, ಇಶ್ ಸೋಧಿ