ಪೊಲೀಸ್‌ ಸಿಬ್ಬಂದಿಗೆ ಕಿಟ್ ವಿತರಣೆ

ತೇರದಾಳ: ಲೋಕಸಭೆ ಚುನಾವಣೆ ಮತದಾನಕ್ಕೆ ನೇಮಕಗೊಂಡಿರುವ ಪೊಲೀಸ್‌ ಸಿಬ್ಬಂದಿಗೆ ಅಗತ್ಯ ವಸ್ತುಗಳುಳ್ಳ ಕಿಟ್ ಪೂರೈಸುವ ಕೆಲಸವನ್ನು ಪೊಲೀಸ್‌ ಇಲಾಖೆ ಮಾಡಿದೆ. ಪ್ರತಿಯೊಂದು ಮತಗಟ್ಟೆಯಲ್ಲಿಯ ಪೊಲೀಸ್‌ ಸಿಬ್ಬಂದಿಗೆ ಪೂರೈಕೆ ಮಾಡಲಾದ ಕಿಟ್‌ನಲ್ಲಿ ಟೂತ್‌ ಬ್ರಷ್‌, ಪೇಸ್ಟ್‌, ಬಾಚಣಿಕೆ, ಸೋಪ್‌, ಮಸ್ಕಿಟೋ ಫಾಸ್ಟ್‌ ಕಾರ್ಡ್‌, ಎರಡು ಬಿಸ್ಲರಿ ನೀರಿನ ಬಾಟಲ್ ಹಾಗೂ ಮೂರು ಬಿಸ್ಕತ್‌ ಪಾಕೀಟ್‌ಗಳನ್ನು ಕಿಟ್‌ನಲ್ಲಿ ನೀಡಲಾಗಿದೆ.

ಕಿಟ್‌ಗೋಸ್ಕರ್‌ ಪ್ರತಿಯೊಂದಕ್ಕೂ ಪ್ರತ್ಯೇಕವಾದ ಬ್ಯಾಗ್‌ ಮಾಡಲಾಗಿದೆ. ತೇರದಾಳ ಮತಕ್ಷೇತ್ರದಲ್ಲಿ 235 ಹಾಗೂ ತೇರದಾಳ ನಗರದಲ್ಲಿನ 29 ಬೂತ್‌ಗಳಲ್ಲಿನ ಪೊಲೀಸ್‌ ಸಿಬ್ಬಂದಿಗೆ ವಿತರಿಸಲಾಗಿದೆ. ಮತದಾನ ಮುನ್ನಾ ದಿನ ಸೋಮವಾರ ಸಂಜೆ ಆಯಾ ಬೂತ್‌ಗಳಿಗೆ ಸಿಬ್ಬಂದಿ ಬರುತ್ತಿದ್ದಂತೆ ಸ್ಥಳೀಯ ಪೊಲೀಸ್‌ ಠಾಣೆ ಸಿಬ್ಬಂದಿ ಆಗಮಿಸಿ ನೇಮಕಗೊಂಡ ಸಿಬ್ಬಂದಿಗೆ ಕಿಟ್ ವಿತರಿಸಿದರು.