ಪಂಜಾಬ್‌ ಪ್ರಾಂಚೈಸಿ ಹೆಸರು ಬದಲು?

ಪಂಜಾಬ್‌: ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಐಪಿಎಲ್‌ ಹರಾಜಿನಲ್ಲಿ ಕಿಂಗ್ಸ್‌ ಇಲೆವನ್‌ ಪಂಜಾಬ್‌ ಫ್ರಾಂಚೈಸಿ ಆಟಗಾರರ ಖರೀದಿಯಲ್ಲಿ ಹೆಚ್ಚುಗಾರಿಕೆ ಪ್ರದರ್ಶಿಸಿ ಗಮನ ಸೆಳೆದಿತ್ತು. ಈಗ ಇನ್ನೊಂದು ಕಾರಣಕ್ಕಾಗಿ ಇದು ಸುದ್ದಿಯಲ್ಲಿದೆ. ಪಂಜಾಬ್‌ ಪ್ರಾಂಚೈಸಿ ತನ್ನ ಹೆಸರನ್ನು ಬದಲಿಸಲು ಯೋಚಿಸಿದ್ದು, ಕ್ರೀಡಾಭಿಮಾನಿಗಳಲ್ಲಿ ವಿಶೇಷ ಕುತೂಹಲ ಮೂಡಿಸಿದೆ.

ಫ್ರಾಂಚೈಸಿಗಳ ಹೆಸರು ಬದಲಾಗುವುದು ಹೊಸತೇನಲ್ಲ. ಕಳೆದ ಸಲ “ರೈಸಿಂಗ್‌ ಪುಣೆ ಸೂಪರ್‌ ಜೈಂಟ್ಸ್‌’ ತಂಡ ತನ್ನ ಹೆಸರಿನಿಂದ “ಎಸ್‌’ನ್ನು ತೆಗೆದು “ರೈಸಿಂಗ್‌ ಪುಣೆ ಸೂಪರ್‌ಜೈಂಟ್‌’ ಆಗಿ ಬದಲಾಗಿತ್ತು. ಇದು ಸ್ಟೀವನ್‌ ಸ್ಮಿತ್‌ ಪಡೆಯ ಅದೃಷ್ಟವನ್ನೂ ಕುದುರಿಸಿತ್ತು. ಕಾರಣ, ಪುಣೆ ಪ್ರಶಸ್ತಿ ಸುತ್ತಿಗೆ ಲಗ್ಗೆ ಇರಿಸಿ ಸುದ್ದಿಯಾಗಿತ್ತು.

ಈ ಬಾರಿಯ ಐಪಿಎಲ್‌ ಹರಾಜಿನಲ್ಲಿ ಪಂಜಾಬ್‌ ಸಹ ಮಾಲಕಿ ಪ್ರೀತಿ ಝಿಂಟಾ ಆಟಗಾರರನ್ನು ಭಾರೀ ಮೊತ್ತಕ್ಕೆ ಆರಿಸಿ ಇತರರನ್ನು ಬೆರಗಾಗಿಸಿದರು. ಕೆ.ಎಲ್‌. ರಾಹುಲ್‌, ಕ್ರಿಸ್‌ ಗೇಲ್‌, ಆರ್‌. ಅಶ್ವಿ‌ನ್‌ ಜತೆಗೆ ಯುವರಾಜ್‌ ಸಿಂಗ್‌ರಂತ ಅನುಭವಿ ಆಟಗಾರರನ್ನು ಖರೀದಿಸಿದೆ. ಇನ್ನು ಪ್ರಾಂಚೈಸಿ ಹೆಸರನ್ನು ಹೇಗೆ ಬದಲಿಸಿಕೊಳ್ಳಲಿದೆ ಎಂಬುದನ್ನು ಕಾದು ನೋಡೋಣ!