ಗುಂಡು ಹೊಡೆದು ಕಾಡು ಕೋಣ ಹತ್ಯೆ : ಆರೋಪಿಗಳು ಪರಾರಿ

ಕುಂದಾಪುರ: ಶಂಕರನಾರಾಯಣ ಅರಣ್ಯ ವಲಯದ ಹೆನ್ನಾಬೈಲು ಸಮೀಪದ ಮೇಲ್ಮನೆ ಎಂಬಲ್ಲಿ ಸುಮಾರು 6 ವರ್ಷ ಪ್ರಾಯದ ಗಂಡು ಕಾಡುಕೋಣವೊಂದನ್ನು ಗುಂಡು ಹೊಡೆದು ಹತ್ಯೆ ಮಾಡಿದ ಘಟನೆ ಶುಕ್ರವಾರ ರಾತ್ರಿ ಸುಮಾರು 3.30 ಸುಮಾರಿಗೆ ಸಂಭವಿಸಿದ್ದು, ಆರೋಪಿಗಳು ಪರಾರಿಯಾಗಿದ್ದಾರೆ.

ಗುಂಡು ಹೊಡೆದು, ಕತ್ತು ಕೊಯ್ದು ಹಿಂದಿನ ಎರಡು ಕಾಲುಗಳನ್ನು ಕತ್ತರಿಸಿ ಚೀಲಕ್ಕೆ ತುಂಬಿ, ಹೊಟೆx ಕುಯ್ದು, ಕರಳುಗಳನ್ನೆಲ್ಲಾ ಹೊರಗೆ ತೆಗೆದು, ಮಾಂಸ ತಯಾರಿಸುತ್ತಿರುವಾಗ, ಸ್ಥಳೀಯ ರಿಕ್ಷಾ ಚಾಲಕರು ನೋಡಿ ಬೊಬ್ಬೆ ಹಾಕಿದಾಗ ಆರೋಪಿಗಳು ಎಲ್ಲವನ್ನೂ ಸ್ಥಳದಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ.

ಬಳಿಕ ರಿಕ್ಷಾ ಚಾಲಕರು ಬೆಳಗ್ಗೆ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದರು. ಎಸಿಎಫ್‌ ಲೋಹಿತ್‌ ಅವರ ಮಾರ್ಗದರ್ಶನದಲ್ಲಿ ಪಶು ವೈದ್ಯಾಧಿಕಾರಿಗಳಿಂದ ಮರಣೋತ್ತರ ಪರೀಕ್ಷೆ ಮಾಡಿಸಿ, ದೇಹದಲ್ಲಿದ್ದ ಗುಂಡನ್ನು ಹೊರತೆಗೆದು, ಸ್ಥಳದಲ್ಲಿಯೇ ಸುಡಲಾಯಿತು.

ಆರ್‌ಎಫ್‌ಒ ಚಿದಾನಂದಪ್ಪ, ಉಪ ಆರ್‌ಎಫ್‌ಒ ಅಭಿನಂದನ್‌, ಅರಣ್ಯ ರಕ್ಷಕ ಆನಂದ ಬಳೆಗಾರ, ಪ್ರಶಾಂತ, ಪ್ರಕಾಶ, ಅರಣ್ಯ ವೀಕ್ಷಕ ಕೃಷ್ಣಮೂರ್ತಿ ಭಟ್‌, ಸತೀಶ ಮತ್ತು ಸ್ಥಳೀಯರು ಪಾಲ್ಗೊಂಡಿದ್ದರು.