ಕೀವ್‌ ವಿಮಾನ ನಿಲ್ದಾಣ ನಾಶವಾಗಿಲ್ಲ: ಅಮೆರಿಕ

ಉಕ್ರೇನ್‌ ರಾಜಧಾನಿ ಕೀವ್‌ನಲ್ಲಿರುವ ಬೊರಿಸ್ಪಿಲ್‌ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ರಷ್ಯಾ ಪಡೆಗಳು ನಾಶ ಮಾಡಿವೆ ಎಂಬ ವದಂತಿಗಳನ್ನು ಅಮೆರಿಕ ಮೂಲದ ಪ್ಲಾನೆಟ್‌ ಲ್ಯಾಬ್‌ ಪಿಬಿಸಿ ಅಲ್ಲಗಳೆದಿದೆ. ಇದಕ್ಕೆ ಸಾಕ್ಷಿಯಾಗಿ ಉಪಗ್ರಹ ಚಿತ್ರವೊಂದನ್ನು ಅಧಿಕೃತವಾಗಿ ಪ್ರಕಟಿಸಿರುವ ಸಂಸ್ಥೆ, ಕೀವ್‌ನಲ್ಲಿರುವ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಸುರಕ್ಷಿತವಾಗಿದೆ.

ಆದರೆ, ವಿಮಾನ ನಿಲ್ದಾಣದಲ್ಲಿರುವ ರನ್‌ವೇಗಳನ್ನು ಕೆಲವು ವಾಹನಗಳಿಂದ ಅಡ್ಡಗಟ್ಟಲಾಗಿದೆ ಎಂದು ಹೇಳಿದೆ. ಈ ವಾಹನಗಳು ಉಕ್ರೇನ್‌ ಸೇನೆಗೆ ಸೇರಿದ ವಾಹನಗಳೇ ಇರಬಹುದು. ರಷ್ಯಾ ಮಿಲಿಟರಿ ವಿಮಾನಗಳು ಕೀವ್‌ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಅನಧಿಕೃತವಾಗಿ ಪ್ರವೇಶಿಸದಿರಲಿ ಎಂಬ ಕಾರಣಕ್ಕಾಗಿ ನಿಲ್ದಾಣದ ರನ್‌ ವೇಗಳ ಮೇಲೆ ಹೆಚ್ಚಿನ ಸಂಖ್ಯೆಯಲ್ಲಿ ವಾಹನಗಳನ್ನು ನಿಲ್ಲಿಸಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ.