ಖಟ್ಟರ್‌ ಹೇಳಿಕೆ ವಿವಾದ

ಗುರುಗ್ರಾಮ: ಅತ್ಯಾಚಾರಗಳಿಗೆ ಸಂಬಂಧಿಸಿ ಹರ್ಯಾಣ ಸಿಎಂ ಮನೋಹರ್‌ ಲಾಲ್‌ ಖಟ್ಟರ್‌ ನೀಡಿರುವ ಹೇಳಿಕೆ ಇದೀಗ ವಿವಾದಕ್ಕೆ ಕಾರಣವಾಗಿದೆ. ಅತ್ಯಾಚಾರ ಪ್ರಕರಣಗಳು ಹೆಚ್ಚಾಗಿಲ್ಲ. ಅವುಗಳು ಹಿಂದೆಯೂ ನಡೆಯುತ್ತಿದ್ದವು, ಈಗಲೂ ನಡೆಯುತ್ತಿವೆ. ಶೇ. 80-ಶೇ.90ರಷ್ಟು ಪ್ರಕರಣಗಳಲ್ಲಿ ಪರಸ್ಪರ ಪರಿಚಿತರೇ ಆಗಿರುತ್ತಾರೆ. ಒಂದು ದಿನ ಯಾವುದೋ ಕಾರಣಕ್ಕೆ ಜಗಳ ನಡೆಯುತ್ತದೆ. ಅನಂತರ ಆತ ನನ್ನ ಮೇಲೆ ಅತ್ಯಾಚಾರ ಮಾಡಿದ ಎಂದು ಆಕೆ ದೂರು ನೀಡುತ್ತಾಳೆ’ ಎಂದು ಖಟ್ಟರ್‌ ಹೇಳಿದ್ದರು. ಈ ಹೇಳಿಕೆಗೆ ಕಾಂಗ್ರೆಸ್‌, ಆಪ್‌ ಸೇರಿದಂತೆ ಹಲವು ಪಕ್ಷಗಳು ಆಕ್ಷೇಪ ವ್ಯಕ್ತಪಡಿಸಿವೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಖಟ್ಟರ್‌, ನನ್ನ ಹೇಳಿಕೆ ತಿರುಚಲಾಗಿದೆ. ತನಿಖೆಯ ಹಂತದಲ್ಲಿ ಏನು ಕಂಡುಬಂದಿದೆಯೋ ಅದನ್ನೇ ಉಲ್ಲೇಖೀಸಿದ್ದೇನೆ ಎಂದು ಸ್ಪಷ್ಟಪಡಿಸಿದ್ದಾರೆ.