ಭೂಕಬಳಿಕೆ: ಕೇರಳ ಸಚಿವ ಚಾಂಡಿ ರಾಜೀನಾಮೆ

ತಿರುವನಂತಪುರಂ:  ಭೂಕಬಳಿಕೆ ಆರೋಪ ಎದುರಿಸು ತ್ತಿರುವ ಕೇರಳ ಸಾರಿಗೆ ಸಚಿವ ಥಾಮಸ್‌ ಚಾಂಡಿ ಬುಧವಾರ ತಮ್ಮ ಸಚಿವ ಸ್ಥಾನಕ್ಕೆ ರಾಜಿನಾಮೆ ನೀಡಿದ್ದಾರೆ.

ಚಾಂಡಿ ಷೇರು ಹೊಂದಿರುವ ಕಂಪನಿಯೊಂದು ಅಳಪ್ಪುಳದಲ್ಲಿ ಭೂಕಬಳಿಕೆ ಮಾಡಿದೆ ಎಂದು ಜಿಲ್ಲಾಧಿಕಾರಿ ವರದಿ ನೀಡಿದ್ದರು. ಈ ವರದಿ ಪ್ರಶ್ನಿಸಿ ಎನ್‌ಸಿಪಿ ಶಾಸಕ ಚಾಂಡಿ ಕೇರಳ ಹೈಕೋರ್ಟ್‌ ಮೊರೆ ಹೋಗಿದ್ದರು. ಚಾಂಡಿ ಅರ್ಜಿಯನ್ನು ಕೋರ್ಟ್‌ ಮಂಗಳವಾರ ತಿರಸ್ಕರಿಸಿತ್ತು. ಈ ಹಿನ್ನೆಲೆಯಲ್ಲಿ ಅವರು ರಾಜೀನಾಮೆ ನೀಡಿದ್ದಾರೆ. ಸಿಪಿಎಂ ನೇತೃತ್ವದ ಎಲ್‌ಡಿಎಫ್ ಸರ್ಕಾರ 2016ರಲ್ಲಿ ಕೇರಳದಲ್ಲಿ ಸರ್ಕಾರ ರಚಿಸಿದ ಬಳಿಕ ರಾಜೀನಾಮೆ ನೀಡಿದ ಸಚಿವರ ಪೈಕಿ ಚಾಂಡಿ ಮೂರನೆಯವರು.