ರಾಹುಲ್ ಗಾಂಧಿ ಬಳಿ ಹೋದಾಗ ಹುಡುಗಿಯರು ಹುಷಾರಾಗಿರಿ, ಅವರಿಗೆ ಮದುವೆಯಾಗಿಲ್ಲ : ಮಾಜಿ ಸಂಸದ

ತಿರುವನಂತಪುರ (ಕೇರಳ):  ರಾಹುಲ್ ಗಾಂಧಿ ಬಳಿ ಹುಡುಗಿಯರು ಹೋಗುವಾಗ ಹುಷಾರಾಗಿರಿ, ಅವರಿಗೆ ಮದುವೆಯಾಗಿಲ್ಲ ಎಂದು ಇಡುಕ್ಕಿಯ  ಮಾಜಿ ಸಂಸದ ಜಾಯ್ಸ್ ಜಾರ್ಜ್ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.

ಚುನಾವಣಾ ಪ್ರಚಾರದ ವೇಳೆ ರಾಹುಲ್ ಗಾಂಧಿ ಬಗ್ಗೆ ಮಾತನಾಡಿರುವ ಜಾಯ್ಸ್ ಜಾರ್ಜ್ , ರಾಹುಲ್ ಬರೀ ಮಹಿಳಾ ಕಾಲೇಜುಗಳಿಗೆ ಹೋಗುತ್ತಾರೆ. ಹುಡುಗಿಯರನ್ನು ಬಾಗುವಂತೆ ಹೇಳುತ್ತಾರೆ. ನನ್ನ ಪ್ರೀತಿಯ ಮಕ್ಕಳೇ ರಾಹುಲ್ ಬಳಿ ಹೋಗಿ ಬಾಗಿ ನಿಲ್ಲಬೇಡಿ. ಅವರಿಗೆ ಮದುವೆಯಾಗಿಲ್ಲ ಎಂದು ಹೇಳಿಕೆ ನೀಡಿದ್ದಾರೆ.

ಈ ಹಿಂದೆ ಜಾಯ್ಸ್ ಜಾರ್ಜ್ ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಗೆದ್ದಿದ್ದರು. ನಂತರ ಡೆಮಕ್ರಟಿಕ್ ಫ್ರಂಟ್ ಇವರನ್ನು ಬೆಂಬಲಿಸಿತ್ತು. ಜಾಯ್ಸ್ ಜಾರ್ಜ್ ಹೇಳಿಕೆಯನ್ನು ಸಮರ್ಥನೆ ಮಾಡಿಕೊಂಡಿರುವ ಸಚಿವ ಎಮ್ ಎಮ್ ಮಣಿ ಅವರು ರಾಹುಲ್ ಗಾಂಧಿಯನ್ನು ಟೀಕೆ ಮಾಡಿದ್ದಾರೆ ಅಷ್ಟೇ ಎಂದಿದ್ದಾರೆ.