ರಣಜಿ ಇತಿಹಾಸದಲ್ಲೇ ಮೊದಲ ಬಾರಿಗೆ ಸೆಮಿಫೈನಲ್ ಪ್ರವೇಶಿಸಿದ ಕೇರಳ

ವಯನಾಡ್: ಗುಜರಾತ್ ವಿರುದ್ಧದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಭರ್ಜರಿ ಜಯ ಸಾಧಿಸಿದ ಕೇರಳ ಇದೇ ಮೊದಲ ಬಾರಿಗೆ ರಣಜಿ ಸೆಮಿ ಫೈನಲ್ ಪ್ರವೇಶ ಮಾಡಿದ ಸಾಧನೆ ಮಾಡಿದೆ. 

ಕೇರಳದ ವಯನಾಡ್ ನಲ್ಲಿ ನಡೆದ ರಣಜಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಸಚಿನ್ ಬೇಬಿ ನೇತೃತ್ವದ ಕೇರಳ ತಂಡ, ಗುಜರಾತ್ ತಂಡವನ್ನು 113 ರನ್ ಅಂತರದಿಂದ ಸೋಲಿಸಿ ರಣಜಿ ಉಪಾಂತ್ಯ ಸುತ್ತಿಗೆ ಭರ್ಜರಿಯಾಗಿಯೇ ಅರ್ಹತೆ ಪಡೆಯಿತು. 

ಪಂದ್ಯ ಗೆಲ್ಲಲು 195 ರನ್ ಗಳ ಗುರಿ ಪಡೆದ ಗುಜರಾತ್ ಬಾಸಿಲ್ ಥಂಪಿ ದಾಳಿಗೆ ಸಿಲುಕಿ ಕೇವಲ 81 ರನ್ ಗಳಿಗೆ ಆಲ್ ಔಟ್ ಆಗಿ ಸೊಲೊಪ್ಪಿಕೊಂಡಿತು. ದ್ವಿತೀಯ ಇನ್ನಿಂಗ್ಸ್ ನಲ್ಲಿ ಗುಜರಾತ್ ನ ಪ್ರಮುಖ ಬ್ಯಾಟ್ಸ್ ಮನ್ ಗಳಾದ ಕಥಾನ್ ಪಟೇಲ್, ಪ್ರಿಯಾಂಕ್ ಪಾಂಚಾಲ್ ಸೇರಿದಂತೆ ಐದು ವಿಕೆಟ್ ಪಡೆದ ಥಂಪಿ ಕೇರಳ ಗೆಲುವಿಗೆ ಪ್ರಮುಖ ಕಾರಣರಾದರು. ಪಂದ್ಯದಲ್ಲಿ ಒಟ್ಟು 8 ವಿಕೆಟ್ ಪಡೆದ ಸಾಧನೆಗೆ ಅವರಿಗೆ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು. 

ಸಂಕ್ಷಿಪ್ತ  ಸ್ಕೋರ್ ಕಾರ್ಡ್
ಕೇರಳ ಪ್ರಥಮ ಇನ್ನಿಂಗ್ಸ್: 9 ವಿಕೆಟ್ ನಷ್ಟಕ್ಕೆ 185
ಗುಜರಾತ್ ಪ್ರಥಮ ಇನ್ನಿಂಗ್ಸ್ : 162 ಕ್ಕೆ ಆಲ್ ಔಟ್
ಕೇರಳ ದ್ವಿತೀಯ ಇನ್ನಿಂಗ್ಸ್: 171 ಕ್ಕೆ ಆಲ್ ಔಟ್
ಗುಜರಾತ್ ದ್ವಿತೀಯ ಇನ್ನಿಂಗ್ಸ್: 81 ಕ್ಕೆ ಆಲ್ ಔಟ್