ಕನ್ನಡದ ಇಬ್ಬರಿಗೆ ಅಕಾಡೆಮಿ ಗೌರವ 

ಹೊಸದಿಲ್ಲಿ: ಕನ್ನಡಕ್ಕೆ ಸಂಬಂಧಿಸಿದಂತೆ ಇಬ್ಬರು ಲೇಖಕರಿಗೆ ಈ ಸಾಲಿನ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಲಭಿಸಿದೆ.

ಹಿರಿಯ ಲೇಖಕ ಡಾ| ಮೂಡ್ನಾಕೂಡು ಚಿನ್ನಸ್ವಾಮಿ ಅವರ “ಬಹುತ್ವದ ಭಾರತ ಮತ್ತು ಬೌದ್ಧ ತಾತ್ವಿಕತೆ’ ಕೃತಿಗೆ “ಪುಸ್ತಕ ಪ್ರಶಸ್ತಿ’ ಲಭಿಸಿದ್ದರೆ, ಹಿರಿಯ ಪತ್ರಕರ್ತ ಪದ್ಮ ರಾಜ ದಂಡಾವತಿ ಅವರ ಅನುವಾದಿತ “ಸೀತಾ- ರಾಮಾಯಣದ ಸಚಿತ್ರ ಮರು ಕಥನ’ ಕೃತಿಗೆ “ಅತ್ಯುತ್ತಮ ಅನುವಾದ’ ಗೌರವ ಪ್ರಾಪ್ತಿಯಾಗಿದೆ.

ಪುಸ್ತಕ ಪ್ರಶಸ್ತಿಗೆ ಒಂದು ಲಕ್ಷ ರೂ. ಪ್ರಶಸ್ತಿ ಫ‌ಲಕ, ಪ್ರಮಾಣ ಪತ್ರವಿದ್ದರೆ, ಅನುವಾದ ಪ್ರಶಸ್ತಿಗೆ 50 ಸಾವಿರ ರೂ. ಗೌರವ ಧನ, ಸಮ್ಮಾನ ಒಳಗೊಂಡಿದೆ.  ಮುಂದಿನ ವರ್ಷ ಹೊಸದಿಲ್ಲಿಯಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ. ಅಕಾಡೆಮಿ ಅಧ್ಯಕ್ಷ ಡಾ| ಚಂದ್ರಶೇಖರ ಕಂಬಾರ ನೇತೃತ್ವದಲ್ಲಿ ಸಭೆ ನಡೆದಿತ್ತು.