ಕಾಪು : ಗಾಳಿ –ಮಳೆಗೆ ಮನೆಯ ಮೇಲ್ಛಾವಣಿ ಹಾರಿ ಅಪಾರ ನಷ್ಟ

ಕಾಪು: ಮಂಗಳವಾರ ಮುಂಜಾನೆಯಿಂದ ಸುರಿಯುತ್ತಿರುವ ಭಾರೀ ಗಾಳಿ – ಮಳೆಯಿಂದಾಗಿ ಕಾಪು ಪುರಸಭಾ ವ್ಯಾಪ್ತಿಯ ಪೊಯ್ಯ ಪೊಡಿಕಲ್ಲ ಗರಡಿ ಸಮೀಪದ ಎರಡು ಮನೆಗಳಿಗೆ ಹಾನಿಯುಂಟಾಗಿದೆ.

ಪಡುಗ್ರಾಮದ ಪೊಡಿಕಲ್ಲ ಗರಡಿ ಸಮೀಪದ ಭಾರತಿ ಭಾಸ್ಕರ್ ಸುವರ್ಣ ಮತ್ತು ಲಲಿತಾ ಕೋಟ್ಯಾನ್ ಎಂಬವರ ಮನೆಯ ಮೇಲ್ಛಾವಣಿ ಹಾರಿ ಹೋಗಿದ್ದು, ಅಪಾರ ನಷ್ಟ ಉಂಟಾಗಿದೆ.

ಬೀಸಿದ ಬಾರಿ ಗಾಳಿಗೆ ಮನೆಯ ಸುಮಾರು ಅರ್ಧ ಭಾಗದಷ್ಟು ಹಂಚುಗಳು ಹಾನಿಗೊಂಡಿದ್ದು ಸ್ಥಳೀಯರು ದುರಸ್ತಿ ಕಾರ್ಯದಲ್ಲಿ ತೊಡಗಿದ್ದಾರೆ.

ಕಾಪು ಪುರಸಭೆ ಮತ್ತು ಕಂದಾಯ ಇಲಾಖೆಯ ಅಧಿಕಾರಿಗಳು ಭೇಟಿ ನೀಡಿ ಹಾನಿ ಪರಿಶೀಲಿಸಿದ್ದಾರೆ.