“ಅವನೇ ಶ್ರೀಮನ್ನಾರಾಯಣ’ ಚಿತ್ರದ ನಂತರ ನಟಿ ಶಾನ್ವಿ ಶ್ರೀವಾಸ್ತವ್‌, ಈಗ “ಕಸ್ತೂರಿ ಮಹಲ್’ ಚಿತ್ರದಲ್ಲಿ ನಾಯಕ ನಟಿಯಾಗಿ ಅಭಿನಯಿಸುತ್ತಿದ್ದಾರೆ. ಈಗ ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಡಬ್ಬಿಂಗ್‌ ಕೆಲಸದಲ್ಲಿ ಚಿತ್ರತಂಡ ಬಿಝಿ. ಬಾಲಾಜಿ ಸ್ಟುಡಿಯೋದಲ್ಲಿ ಚಿತ್ರದ ಡಬ್ಬಿಂಗ್‌ ಕಾರ್ಯ ನಡೆಯುತ್ತಿದೆ.
ಶ್ರೀಭವಾನಿ ಆರ್ಟ್ಸ್ ಲಾಂಛನದಲ್ಲಿ ರವೀಶ್‌ ಆರ್‌.ಸಿ ನಿರ್ಮಿಸಿರುವ ಈ ಚಿತ್ರಕ್ಕೆ ನವೀನ್‌ ಆರ್‌.ಸಿ ಹಾಗೂ ಅಕ್ಷಯ್‌ ಸಿ.ಎಸ್‌ ಅವರ ಸಹ ನಿರ್ಮಾಣವಿದೆ. ಹಾರರ್‌ ಥ್ರಿಲ್ಲರ್‌ ಕಥಾಹಂದರ ಹೊಂದಿರುವ ಈ ಚಿತ್ರಕ್ಕೆ ನಿರ್ದೇಶಕ ದಿನೇಶ್‌ ಬಾಬು ಅವರೆಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ. ಇದು ಅವರ ನಿರ್ದೇಶನದ 50ನೇ ಚಿತ್ರ. ಚಿತ್ರದ ಚಿತ್ರೀಕರಣ ಚಿಕ್ಕಮಗಳೂರು ಜಿಲ್ಲೆಯಕೊಟ್ಟಿಗೆಹಾರದಲ್ಲಿ, ನಡೆದಿದೆ. ಚಿತ್ರದ ಬಹುಭಾಗ ದೃಶ್ಯಗಳನ್ನು ಅಲ್ಲಿಯೇ ಸೆರೆಹಿಡಿಯಲಾಗಿದೆ.
ಇದನ್ನೂ ಓದಿ : ಈ ವಾರ ತೆರೆಗೆ ನಾಲ್ಕು ಚಿತ್ರಗಳು
ಚಿತ್ರದ ಬಗ್ಗೆ ಶಾನ್ವಿ ಕೂಡಾ ಸಿಕ್ಕಾಪಟ್ಟೆನಿರೀಕ್ಷೆ ಹೊಂದಿದ್ದಾರೆ. ಚಿತ್ರದ ಬಗ್ಗೆ ಮಾತನಾಡುವ ಅವರು,”ನನ್ನ ಫಸ್ಟ್ ಸಿನಿಮಾದ ನಂತರ ಅದಕ್ಕೆ ಹತ್ತಿರವಿರುವಂಥ ಇನ್ನೊಂದು ಕ್ಯಾರೆಕ್ಟರ್‌ ನನಗೆ ಸಿಕ್ಕಿರಲಿಲ್ಲ. ಈ ಸಿನಿಮಾದಲ್ಲಿ ಅಂಥದ್ದೊಂದು ಕ್ಯಾರೆಕ್ಟರ್‌ ನನಗೆ ಸಿಕ್ಕಿರುವುದಕ್ಕೆ ಖುಷಿಯಾಗ್ತಿದೆ. ನನ್ನ ಕ್ಯಾರೆಕ್ಟರ್‌ ತುಂಬ ಡಿಫ‌ರೆಂಟ್‌ ಆಗಿದ್ದು, ಡೈರೆಕ್ಟರ್‌ ಕೂಡ ನನ್ನಕ್ಯಾರೆಕ್ಟರ್‌ನ ಅಷ್ಟೇ ಚೆನ್ನಾಗಿ ಚಿತ್ರೀಕರಿಸಿದ್ದಾರೆ. ಕನ್ನಡದಲ್ಲಿ ಈಗಾಗಲೇ ಹತ್ತಾರು ಸೂಪರ್‌ ಹಿಟ್‌ ಸಿನಿಮಾಗಳನ್ನುಕೊಟ್ಟ ದಿನೇಶ್‌ ಬಾಬು ಅವರಂಥ ಸೀನಿಯರ್‌ ಡೈರೆಕ್ಟರ್‌ ಜೊತೆಗೆ ವರ್ಕ್‌ ಮಾಡೋದೆ ಒಂದು ಡಿಫ‌ರೆಂಟ್‌ ಎಕ್ಸ್‌ ಪೀರಿಯನ್ಸ್‌’ ಎನ್ನುತ್ತಾರೆ . ಚಿತ್ರದ ತಾರಾಬಳಗದಲ್ಲಿ ಸ್ಕಂದ ಅಶೋಕ್‌, ರಂಗಾಯಣ ರಘು, ಶೃತಿ ಪ್ರಕಾಶ್‌, ಕಾಶಿಮ ರಫಿ, ನೀನಾಸಂ ಅಶ್ವಥ್‌ , ಅಕ್ಷಯ್‌ ಮುಂತಾದವರಿದ್ದಾರೆ. ಪಿ.ಕೆ.ಹೆಚ್‌ ದಾಸ್‌ ಛಾಯಾಗ್ರಹಣ ಹಾಗೂ ಹರೀಶ್‌ ಕೃಷ್ಣ ಅವರ ಸಂಕಲನ “ಕಸ್ತೂರಿ ಮಹಲ್’ಗಿದೆ. ಅಂದಹಾಗೆ ಹೊಸವರ್ಷಕ್ಕೆ ಟೀಸರ್‌ ಬಿಡುಗಡೆಯಾಗಲಿದೆ.
