Manipal ಕಸ್ತೂರ್ಬಾ ಆಸ್ಪತ್ರೆಯಲ್ಲಿ ಮಾನವ ಎದೆಹಾಲು ನಿಧಿ ಉದ್ಘಾಟನೆ

ಮಣಿಪಾಲ: ಉಡುಪಿಯ ಮೊದಲ ಮಾನವ ಎದೆಹಾಲು ನಿಧಿ (ಹ್ಯೂಮನ್‌ ಬ್ರೆಸ್ಟ್‌ ಮಿಲ್ಕ್ ಬ್ಯಾಂಕ್‌) “ಮಣಿಪಾಲ ಮಾತೃ-ಅಮೃತ್‌ ಮಿಲ್ಕ್ ಬ್ಯಾಂಕ್‌’ ಅನ್ನು ಅಪರ ಜಿಲ್ಲಾಧಿಕಾರಿ ಮಮತಾದೇವಿ ಜಿ.ಎಸ್‌. ಉದ್ಘಾಟಿಸಿದರು.

ತಾಯಿಯ ಎದೆ ಹಾಲು ಶಿಶುಗಳಿಗೆ ಅಮೃತ -ಔಷಧವಿದ್ದಂತೆ. ನವಜಾತ ಶಿಶುಗಳು ತಮ್ಮ ಆರಂಭಿಕ ದಿನಗಳಲ್ಲಿ ಎದೆಹಾಲನ್ನು ಪಡೆಯುವುದು ನಿರ್ಣಾಯಕವಾಗಿದೆ. ಇದು ಶಿಶುಗಳ ಆರೋಗ್ಯವನ್ನು ಗಮನಾರ್ಹವಾಗಿ ಸುಧಾರಿಸುತ್ತದೆ ಎಂದರು.

ಜಿಲ್ಲಾ ಆರೋಗ್ಯಾಧಿಕಾರಿ ಡಾ| ಐ.ಪಿ. ಗಡಾದ್‌, ನವಜಾತಶಾಸ್ತ್ರ ವಿಭಾಗದ ಪ್ರಾಧ್ಯಾಪಕರು ಹಾಗೂ ಮುಖ್ಯಸ್ಥೆ ಡಾ| ಶೀಲಾ ಎಸ್‌. ಮಥಾಯಿ ಉಪಸ್ಥಿತರಿದ್ದರು. ಮಣಿಪಾಲ ಕೆಎಂಸಿ ಡೀನ್‌ ಡಾ| ಪದ್ಮರಾಜ್‌ ಹೆಗ್ಡೆ ಸ್ವಾಗತಿಸಿ ಆಸ್ಪತ್ರೆ ವೈದ್ಯಕೀಯ ಅಧೀಕ್ಷಕ ಡಾ| ಅವಿನಾಶ್‌ ಶೆಟ್ಟಿ ವಂದಿಸಿದರು. ಡಾ| ಶ್ರುತಿ ಕೆ.ಭಾರದ್ವಾಜ್‌ ನಿರೂಪಿಸಿದರು.

ಮಿಲ್ಕ್ ಬ್ಯಾಂಕ್‌ ಜಿಲ್ಲೆಯಲ್ಲಿಯೇ ಮೊದಲನೆಯದ್ದು. ಇದು ಮಣಿಪಾಲದ ನವಜಾತಶಾಸ್ತ್ರ ವಿಭಾಗದಲ್ಲಿದ್ದು ನವಜಾತ ಶಿಶುಗಳಿಗೆ ತೀವ್ರ ನಿಗಾ ಘಟಕದ ಮೂಲಕ ಚಿಕಿತ್ಸೆ ನೀಡುತ್ತಿದೆ. ಹಲವಾರು ರಾಜ್ಯ, ಜಿಲ್ಲೆಗಳ ಅನಾರೋಗ್ಯ ಮತ್ತು ಪ್ರಸವಪೂರ್ವ ಶಿಶುಗಳಿಗೆ ಆರೈಕೆ ಪೂರೈಸುತ್ತಿದೆ.